إبراهيم عبد القادر ضيف راديو عالم النحوم بـ “ضمير الإنسانية”
انطلقت حلقات راديو عالم النجوم يوم الأحد 30/5/2021 من الضيوف ذات الخبرة الواسعة تحت رعاية الإعلامية والصحفية. د. دعاء نصر رئيس مجلس إدارة مؤسسة عالم النجوم باستضافة كوكبة من علماء وكتاب وفنانين.
ومعنا في الحلقة الثالثة والجزء التانى من مساء الخير يا مصر وفقرة نجم النجوم مع المطرب إبراهيم عبد القادر إعداد وتقديم الإعلامية نورا الحسيني.
المطرب إبراهيم عبد القادر هو فنان بورسعيدى وواحد من أشهر مطربى الثمانينات والتسعينيات ويعد أحد أبناء الجيل الموسيقى الخاص بالفنان حميد الشاعري….. أشتهر المطرب إبراهيم عبد القادر فى مدينة الإسماعيلية. وذاع صيتة كمطرب جامعة قناة السويس أثناء دراسته فى كلية التربية.
تعرف بعد ذلك على الفنان حميد الشاعري وقدمه فى شكل مختلف فذاع صيته بأول وأشهر اغنياته (القمر قمرنا). (أول حبيب)وعنيكى سلاح وغيرها من الأعمال الناجحة…..
اهلا وسهلا بالمطرب الكبير إبراهيم عبد القادر
والان تسمحلي أن اوجه لحضرتك بعض الأسئلة…..وأول سؤال هو محور لقاءنا انهاردة والسبب الصرخة المدوية التى أطلقتها عبر ضمير الإنسانية….وأحنا بنضم صوتنا لصوت صرختك فى وجه طوفان الاستعمار العنصرى اليهودي….
اية قصة أغنية ضمير الإنسانية؟
هي قصة كل العالم العربي بس القصة دي لازم تكتمل دي جوانا وفي وجدنا بس أحنا من كتر الأحداث بدأنا اننا منحسش بالواقع الأليم واللي هزني الأطفال والنساء والبيوت والدمار أنا مش بتكلم في السياسة. لان الموضوع السياسي له شق تاني ممكن أكلمك عليه، لكن الشق الإنساني معتقدش هذا العالم بكل التحديث إللي فيه بكل القوة الكبيرة إللي فيها مش قادرين يحلوا مشكلة فيه من سنة 48 يعني لو ضفت حتة السياسة؛ هل امريكا مش قادرة تنهي المشكلة دي؟
طيب أحنا بنتكلم في صغار 42 حدود 72 الحدود دي مبقتش موجودة دلوقت طيب أحنا منتظرين ايه ياعالم ياعربي فانا لقيت واحد صديق رد عليه في بوست أنا عملته؛ قالي ياأستاذ إبراهيم الموضوع ده له شق كده لازم منظمة التحرير مع محمود عباس وإسماعيل هنية مع حماس يجتمعوا مع بعض قولتله لا غلط حتي لو هما مش قادرين يجتمعوا مع بعض وفي فتنة إسرائيلية مابينهم بتحصل دايما علشان يفضل الشقاق الفلسطيني موجود دي قضية كل وطنا العربي كله أنا من حقي من دولة مصر أطالب بي ده والرئيس السيسي قام بدور وجايز كان له الدور الكبير مع الإدارة الأمريكية وبعدين الرئيس لما تناول وقف إطلاق النار مش بس وقف إطلاق النار.
ولكن بدء محادثات جدية لإنهاء الصراعات دي، إللي بيضايقني جدا الرئساء كتير وملوك اتم بتبعتوا فلوس علشان إعادة بنية تحتية في غزة ورام الله والدنيا متدمرة طيب ما إللي بتبنوه بيتهد تاني متخلوها مهدودة مرة وحدة وحلوا المشكلة ولما تيجوا تبنوا ابنوا على اساس ان ده لا يهدم بعد خلاص.
كلمني عن أجواء اغنية حضرتك “ضمير الإنسانية” كلمني عن حضرتك كتبتها في وسط إحساسك وشعورك وضميرك الإنساني نحو القضية، عايزة أعرف أنت كتبتها ازاي وتضمنت ايه بتدور حول اية ؟
أنا لما الموضوع بعد 3 أو 4 ألاقي ضرب أبراج بتوقع والاقي منظر الأطفال والأحداث الموجودة فأنا كلمت صديق عمري الأستاذ المؤلف هو مؤلف بورسعيدي رائع جدا عامل أعمال كبيرة جدا مسرحية واوبرتات وله عمق ثقافي وفني رائع جدا فهو خد الحماسة مني وخلال ساعات بصيت لقيت نفسي قدام الملحن ملحنها وروحت لو تلاحظي انا مغنتش الأغنية علي اد ماانا كنت بصرخ فعلا ياعالم اصحوا اصل انا كأب بحط نفسي في نفس الموقف إللي فيه الأسرة دي فصعب اوى الاقي واحد بيحكي في التليفزيون انا فقدت مراتي وتلاتة اولادي وبيتي طيب انا هعيش ليه، هو بيقول كده وصحيح هل هو هيعوض ده يا جماعة الموضوع بقى صعب جدا فـ لو أحنا متضمناش وقولنا الصرخة دي متنفعش ولازم وده دوري كـ فنان مش ان أنا أغني وخلاص.
واهديكم الاغنية لساعها.. الماستر والمكساج اتعمل في استراليا بعتناها تليجرام بعتناه لـ لصديق عمري اسمه جورج رمزي ميزو شن إلى جانب انه مهندس اوديو فعملنا ماستر حلو اوي فلقيت كل الناس متفاعلة معي إلى جانب فيديوهين منهم فيديو جورج عمله في استراليا وده رفضوه علي اليوتيوب لأن فيه المناظر الحقيقية إللي حصلت بالفعل في الأحداث دي فانا معرفش ليه تعملي تقييد لحسابي علي الفيس بوك بسبب الأغنية لذلك بدأت اعلن ان أنا هطلع من الفيس خالص و هكون موجود على التليجرام وعاوز اقول للناس إللي بتسمعنا ان الفيس بوك ده لوج يهودي في حاجات كتير جدا مهيمنة عن العالم احنا بنحبها واحنا إللي رافعين مستواها التجاري والاقتصادي والترويج لها واحنا مش داريين ان أحنا بنقوي لوبي يهودي فوقوا ياعالم ياعربي.
حضرتك فى بداية حياتك الفنية حصلت على لقب مطرب الجامعات ؟؟
أكيد وده إللي مخليني دلوقت مش قادر أطلع من القيمة الفنية أو المكان الفني المحترم عن طريق الجامعة والجامعات المصرية أن أنجزت نحو الطيار المتدني حاليا أنا بقول للجمهور إللي بيسمعني أنا ممكن أعمل مهرجان واكسب ملايين بس من الفضول عند الناس إبراهيم عبد القادر من الزمن الجميل وجيله علاء عبد الخالق ومنى عبد الغني ازاي يعمل كده وأطلع سوري مش فاهم حاجة في البرامج علشان أسمح أنهم ينتقدوني في برامج التوك شو والبرامج الفنية وأنا كل ده بعلي زي مطربين الايام دي وطالع مبيعرفش يغني والناس تقول دا طيب ودا غلبان وتلاقيه عامل ملايين ودي اللعبة إللي بيلعبوا عليها تخيلي ان النجاح دلوقت بيجي من مش بيفهم حاجة. وبيعمل انه بيغني دا بيكون تريند ونجم عالي جدا وله جمهور وشعبية واي كحة بيحكها في اليوتيوب بيتعملوا ملايين ايه الزمن ده أنا بستعجب والله.
هل كانت الجامعة والمحافل كانت مفرخة للمواهب الشبابية؟؟؟ودلوقتى تقدر تقولنا ماهو بديل الجامعات لظهور هذه المواهب؟؟؟
بديل الجامعات أن يبقي الدولة لازم يكون لها رؤية أنا قلتها مرة علي صفحات سيادة الرئيس وانا سفير في الأمم المتحدة من 2016 قولتله ياريس أحنا بنحارب الارهاب في الصحراء الغربية وفي شمال سيناء وفي كل مكان. طيب بعد ما نقضي علي الارهاب ده الفساد والتدني هنحاربه ازاى جوه لما ندخل جوه مجتمعنا. وشبابنا إللي هيحمل الراية بعد كده ما أحنا هنروح مين بقي الشباب اللي هيحملوا الراية ويحافظوا علي مصر وعلي حدودها وعلى شرفها على ريادتها الفنية هنضربهم بالرصاص ياريس. اعتقد لا اذا لازم نمشي بالتوازي و نكافح الفساد والتدني. لازم نكافح الارهاب لازم الاتنين بيتهزوا في نفس الوقت يعني اعتقد عندنا لجنة وطنية. للإعلام بتقوم بدور كبير جدا عليها دور كبير جدا يعود خلال الانتاج الغنائي. بـ الاذاعة والتليفزيون تبني المواهب علي فكرة في من المواهب اللي بتغني اصواتهم حلوة.
انا بقولك بامانة بس هما ملقوش الجهة التي تستوعبهم. وتاخدهم وتحضنهم وتعملهم المناسب عندنا المؤلفين في الاذاعة والتليفزيون وبعدين اللى بيتصرف في الإنتاج. ده هو تعديل مسار الأغنية المصرية. دلوقت الاغنية المصرية عبارة عن مهرجان ياجماعة كل اللي بيغني بتوع الدول العربية بيعملوا مهرجانات دلوقت مرة أكلم واحد بقوله عاوز أعمل شغل معاك قالي ابعتلي شغلك فبعتله. شغلي، قالي يااستاذ انت قيمة فنية كبيرة اوي بس أنا عندي الجمهور مش بيحب الكلام إللي أنت بتقوله. فعلا الجمهور هو اللي بيتفاعل الاغاني اللي بيقدمها الفنان ولو هو قبل الشخصية دي او الكاركتر فبيبدء انه يسمعه أكتر هو اللي بيتيح المجال للاخر
وأستكمل المطرب إبراهيم عبد القادر حديثه مع الإعلامية نورا الحسيني:
هو طبعا الجمهور أعتقد انه الغالبية له دلوقت أحنا عندنا 60٪ من سكان مصر. او 55٪ شباب الجيل ده ملقاش الصورة الثانية للفن المحترم. التربية والتعليم. والمدارس لما بيشغلوا اغاني بيشتغلوا ايه مهرجانات تخيلي مدارس اللغات بيفتحوا أغاني مهرجانات اكيد. والله العظيم ولا تلاقي 3،4 مدارس. بيعملوا الكلام ده الميكروباص الإذاعة والتليفزيون بيجيبوا اللي بيغني في التكاتك نجوم في برامج التوك شو. أصبحت ده الوجهة الوحيدة طيب ماتجيبوا الجيل المحترم الموجود دلوقت وله تاريخ فني طويل على مدار 20 سنة. رجعوا وجه آخر للفن المصرى فى الاذاعة والتليفزيون. وخلوا الشباب. يرتقي خلوا الشباب يختار مش هنفرط عليهم ذوق عجبه المهرجانات استمر إنما هتلاقي حاجات تانية مزيكا جديدة. بنفس مزيكا المهرجان، أكبر خطأ في مزيكا المهرجان بتدي مضمون فاسد مضمون. يؤدي إلى التحرش في الشوارع. مضمون يؤدي الى العصبية إلى الانفعال الذي قتل الخ…
ماهو سر اختفاءك عن الساحة الفنية وهل ظهور الانترنت يعتبر سبب وقرصنة سرقة الأغاني؟؟؟
ممكن تديني عنوان الساحة الفنية ورقم تليفونها!!
انا عامل اغاني محترمة جدا تمام لو ادتها لقنوات. مش حابين النوع ده لانها حاجة محترمة ياجماعة أنا قولت اللجنة الوطنية للاعلام ليس من حق أي مطرب. يمتلك قناة يدفع إيجارها من مدينة الإنتاج الإعلامي أو من وظيفة من مكان آخر ليس له الحق انه طالما ملكة انه يزرع السموم. في عقول الشباب لازم يكون في مراقبة زي ما كنا أيام زمان لما كنا بنعمل نص غنائي تقدمه صلاح أبو شادي. و يوقفوا علي الكلام وبعدين بنروح نغنيه ونرجع شريط متغني أو الكلام اللي اتوافق عليه.
هل هو إللي المطرب غناه. ولا لا وبعدين يديني تصريح تداول علشان انزل الشريط هو ده الدولة مش قادرة تعمله. القنوات بتاعت الرقص والمهرجانات مبتقفش ليه الغني الشعبي مش هو المهرجان. انني انغمس في الواقع المصري في المقامات المصرية الاصيلة. في التراث المصري ف ان أطلعه ده الشعبي انا الشعبي سوري. مش ان أنا أقل أدبي واقول كلام يخدش الحياء ودور الرقابة الفنية. والمصنفات الفنية قاعدين مش بيعملوا حاجة بيتفرجوا لا أحنا عاوزين ادوات وامكانيات.
احنا ممكن نوقف الناس دي إللي يحترم نفسه ويحترم البلد. واللي ميحترمش نفسه لا شكرا ولا حتي علي اليوتيوب انت جنسيتك مصري لما بتنجح ع اليويتوب. الناس بره بتضحك علينا يبقى في تدخل، انا كنت لما اسافر في اي مكان لما كنت اجي اتفرج علي يقولولي لو سمحت لسن كذا والحاجة دي فلوس أحنا عندنا كل المواقع مفتوحة. ياست الكل. واحنا الشباب عندنا تساليه مدير المدرسة بتاعك اسمه ايه ميعرفش تقوليله حرب 48 امته ميعرفش 73 ميعرفش عنها حاجة. لذلك أنا بحي القوات المسلحة والانتاج العسكري اللي عملوا لينا الاختيار علشان الجيل ده يشوف ما ضحت به مصر ماقدمت له مصر الكلام ده مهم جدا.
هل ظهور الانترنت يعتبر سبب وقرصنة سرقة الأغاني؟
طبعا يعني دلوقت في سرقة كتير أنا نفسي اتسرق مني ألحان. أنا مغني اغنية اسمها “أنا أولًا بحبك وثانيا بحبك” سنة 97 الاغنية غناها واحد اسمه أحمد من لبنان ومش عارف مين تاني طيب يا جماعة ايه اللي بيحصل. هقولك حاجة معلش الفترة دي فيها تحرشات جدا ع الانترنت لما بتروحي مباحث الانترنت معلش انا بكون في حواري صريح انا مش مطرب بس انا سفير في الأمم المتحدة لحقوق الإنسان. الناس إللي ملهاش وسطة مش هتجيب حقها علشان كده الناس مبقتش بتروح مباحث الانترنت في اكونتات معمولة اسم رجل.
وهو ست والعكس الانترنت اولا تحديث مهم في الحياة واهلا بيه لان التطور في الحياة. مستمر انما احنا مجتمعاتنا العربية والشرقية كتير خدوا المواقع السلبية. والتعامل السلبي للتعامل مع السوشيال ميديا انما برة الناس بتعمل مشاريع ناس بتشترى وتبيع ناس تبدأ من الصفر وبتكون حاجة جميلة ماديا واجتماعيا ناس بتدرس عن طريق الانترنت. حضرتك جربي آية قرآنية أو انشري انتي عملتي عمل خير وانشري مطرب بيغني مع وحدة راقصة. لبسة لبس مخل شوية شوفي كام التعليقات هيجي ع مين.
ياريت تقولنا فى جديد هتقدمه بعد ضمير الإنسانية؟؟؟
هيا ضمير الإنسانية صرخة للانسانية. وانا من موقعي لما بلاقي حاجة أو موقف علي مستوي الدولة. أو المستوي الحياة إللي أنا عايش فيها انا بنفعل مع الاسترداد للحق المختصب ده دوري كفنان حاليا. لكن انا بين نارين لو عاوز ارجع للناس غنائيا اتعرض عليه حاجات هتخليني. تريند بس أنا طلعت من مجتمع إللي هو الجامعة. من مجتمع ثقافي ان عند ولادي وعند جمهوري برصيدي الفني شكلي علي مستوي العالم. والعالم الاوربي ثقافات ومعرفة فهل اضحي بالناس المحترمين دول. وانزل للمستوي ده علشان فلوس انا كل مابيجيلي الاحساس ده مبقدرش حتى لو مش هشتغل خالص.
فى نهاية لقاءنا بنشكر المطرب ابراهيم عبد القادر على اللقاء الشيق. وبنقول له من خلال راديو عالم النجوم عودا حميداً …
