اختي في كفة وكله في كفة .. بقلم: حمادة العسكري

اختي في كفة وكله في كفة
يامه شالتني وأنا في اللفة
بين أحضانها القلب إتدفى
وف أحضانها بيحلى النوم
من صغرى شيلاني في عينها
ماشوفتش يوم زي حنانها
لو غابت قلبي يقول فينها
نعمه يارب عليا تدوم

بحبك يا أختي
ياهنايا يابختي
رزقي لقيته فيكي
شايلة الهم عني
أنا من صغر سني
وأنا بتباهى بيكي
لاخر لحظة في عمري هشيلك جوه عينيا

وكل ماأكبر حبك يكبر ويزيد فيا
ياملاك ياحنون من العيون ربنا يحميكي
ياحبيبة أخوكي وقمر ملوكي منور ليلي
يا واقفة في صفي تشيلي وتخفي عني حمولي
ياسندي في ضعفي ونقطة ضعفي بعمري افديكي