اسماء امام وإشادة الجمهور لها منذ بداية ظهورها في مسلسل “أبو العروسة3”
كتبت.. مادونا عادل عدلي
عرضت أمس أولى حلقات مسلسل“أبو العروسة الجزء الثالث” وهو العمل الذي ينتظره الكثير من رواد التواصل الاجتماعي
ومن بداية الحلقات وفي الحلقة الأولى تظهر الفنانة الشابة اسماء امام في دور “ماريز” وهي الفتاة التي ذكر عنها انها نحس وقامت بتقديم الدور بطريقة كوميدية مميزة أمام الفنان خالد كمال
واشاد الجمهور بأداء الفنانة “اسماء” وبأدائها الرائع وعقب نجاحها قامت الفنانة بنشر مشهد لها من العمل عبر حسابها على موقع التواصل الاجتماعي فيسبوك وعلقت عليه قائلة
أنا بجد مخضوضة من رد الفعل علي الدور و بجد في منتهي السعادة و مش قادرة أوصف فرحتي علي البيدچات اللي بتنزل المشهد و اللي بتفرغ كلامه و تشيره
ومباركات كل قرايبي وصحابي و أخواتي اللي كلامهم هيفضل في قلبي و مأثر في مشاعري شكراً لكل واحد خلاني طايرة من السعادة
و شكرا من قلبي علي الناس اللي كانت سبب في الشغل ده و كانت السبب الحقيقي في ظهور أي حاجة حلوة ظهرت ربنا يخليكوا ليا و مايحرمنيش منكم يا مخلصين لشغلكم و بتساعدوا المواهب بجد ياسمين عادل ويوسف كمال
و الجدع اللي بجد و إنسان حقيقي الاستاذ الموهوب بجد اللي بيساعد كل اللي حواليه و سبب لخير لناس كتير أوي خالد كمال
والمخرج اللي كان بجد واسع الصدر معايا الاستاذ هاني كمال
بجد شكرا من كل قلبي
أنا بجد بحبكم
والجدير بالذكر أن مسلسل أبو العروسة الجزء الثالث بطولة سيد رجب، سوسن بدر، محمود حجازي، ولاء الشريف، ميدو عادل، كارولين عزمي وغيرهم والعمل من تأليف واخراج هاني كمال.
