الأهلي والتعادل الثالث على التوالي أمام البنك الأهلي
كتب/ محمد فضل
انتهت منذ قليل مباراة الأهلي والبنك الأهلي بالتعادل السلبي فى المباراة التى جمعت الفريقين مساء اليوم ضمن الجولة التاسعه عشر من منافسات الدوري المصري والتى أقيمت على استاد المقاولون العرب
-موسيماني بدأ بـ 4-4-2 ، الشناوي حارس، عبد المنعم وأيمن قلبين دفاع، هاني ظهير أيمن ووحيد ظهير أيسر، ربيعة وقفشة ارتكاز الوسط، طاهر جناح يمين وعبد القادر جناح شمال وتاو وشريف مهاجمين.
-الظاهر ان موسيماني بيعمل غلطة ماتعودناش عليها في الأهلي انه مركز على دوري الأبطال حتى لو خسر الدوري! ودي كارثة ولازم مجلس الإدارة يتدخل.
-الأهلي في غياب عدد من الأساسيين بيقدم مستوى سيء جدا.
-أدائنا الهجومي متأثر وغير فعال رغم ان الغيابات مش ي الخط الهجومي!
-الشحات لعب زي ما قعد، بيلعب وكأنه مش بيلعب ، غائب حاضر.
-احنا تقريبا بنلعب من غير ظهيرين محمد هاني ومحمود وحيد الاتنين حكايتهم على الله، مافيش عرضيات ومافيش تواجد هجومي والزيادة بيعملوها غلط وبطريقة فيها بطء ورعونة.
-وليد سليمان نزل غير شكل الماتش والأداء تماما، لو لعب بدري شوية ومعاه عبد القادر كأن أفضل من وجود قفشة الغير مفيد.
-مش عارف مين فهم الشحات وقفشة انهم بيعرفوا يشوطوا على المرمى!! مافيش تسديدة واحدة صح!
-بقالنا عشرين سنة بنقول الأهلي عنده مشكلة في الكرات العرضية وفي اللعبات إللي بتتلعب بين قلبين الدفاع أو في ضهرهم بتعمل انفرادات للخصم، ومن غير حلول من موسيماني.
-البنك ضيع فرصتين مينفعش يضيعوا، انفردوا سهل أوي ومكانش ينفع يحصل انفرادات سهلة كده.
-أول تغييرين الشناوي خرج للإصابة ونزل لطفي، الشحات دخل مكان طاهر واستمرت طريقة اللعب كما هي، التغيير الثالث بنزول صلاح محسن بدلا من محمد شريف إللي لسه مش لاقي نفسه ومش عارف يرجع لمستواه.
-التغيير الرابع بنزول وليد سليمان بدلا من أحمد عبد القادر، رغم المفروش إللي يخرج قفشة ونلعب الكل في الكل بارتكاز واحد.
-مازلنا عندنا لاعيبة ساذجة بتعمل حركات متخلفة عقليا في الملعب، يعني فريق معروف انه هيضيع وقت نفضل نطلعله الكرة كل شوية لما لاعب يقع ونبوس ونحضن ونطمن على اللى واقع وبعدين لما الوقت يعدي نبدأ نجري ونعرف انهم بيضيعوا وقت في أخر خمس دقايق لما نتزنق!
-التعادل عادل، لانستحق المكسب، عندنا لاعيبة بتلعب كمالة عدد حرفيا.
