- الإذاعية بسنت بكر تصرح لجريدة عالم النجوم عم أفراحها وأحزانها العام الماضي
- أحزان الإذاعيةبسنت بكر في العام الماضي
- صاحبة المقام حزنت على كلبها جامبو الذي توفى بعد ١٩عام
صاحبة المقام بسنت بكر تصرح لجريدة عالم النجوم عن أفراحها وأحزانها العام الماضي
إعداد وحوار دعاء سنبل
صاحبة المقام بسنت بكر.. إعلامية بدرجة فنانة .. عملت بالإذاعة على مدار 10 سنوات .. قدمت في نغم إف إم.
العديد من البرامج..ثم قدمت برنامج “أيام ربنا” لموسمين رمضان ٢٠١٤ و ٢٠١٥.
و قدمت برنامجها الشهير” ع النوتة” لمدة عامين ونصف .والذى حصل على جائزة الإبداع الذهبية وجائزة أفضل برنامج من مونديال القاهرة للإعلام
والأعمال الفنية عام ٢٠١٥ .قامت بتقديم.. “صوت م السما في “رمضان ٢٠١٧ عن مملكة التلاوة المصرية.
ثم بدأت آخر برامجها الناس مقامات تقديمها نشرات الأخبار ايضا على مدار سنوات عملها بالإذاعة ،
التحقت منذ عام تقريبا راديو 90 90 وقدمت من خلاله برنامج قد المقام .لم تكتفي بسنت بكر بالعمل في الإذاعة
،لكنها قامت أيضا بغناء وكتابة وتلحين العديد من تترات البرامج في إذاعات راديو النيل ،وإذاعة راديو هيتس و”بره الزحمه ”
على اذاعة شعب قامت بتنفيذ وغناء أغنية’ من أجل “مصر الأغنية الرسمية لحملة دعم الرئيس عبد الفتاح السيسى .
والمشاركة فى تنفيذ نشيد الصاعقه المصريه (“قالوا إيه ” والمشاركة بالغناء أيضا مع أحمد أمين فى فيلم” الكنز”
،ومشاركة الفنان على الحجار فى حفلاته بساقية الصاوى.
ممكن نعرف منك أيه الحاجة الحلوة اللي حصلتلك في 2019، وايه الحاجة الوحشة اللي حصلتلك متمنيش تحصل لك تاني في 2020 ؟
الحاجة الحلوة اللي حصلت لي في 2019 هو أني ألتحقت طبعا براديو 90 90 في أول السنة فرض على المستوى المهني
انا ما بفرقش ما بين الحياة المهنية والحياة الشخصية
انا طول الوقت بحسهم واحد لأنه لما بيكون شغل تمام بتبقى حياتي الشخصية. كمان تمام . وأتعودت طول الوقت أشتغل اللي بحبه وبس.
ولما تشتغلي اللي بتحبيه طبيعي بتبقى سعيدة و مبسوطة الحمد لله أنا سعيدة في شغلي جداً. بجد و بتبقى حياتي الشخصية لطيفة.
ربنا أنعم عليه بالتحاقي راديو 90 90 وتقديم برنامج قد المقام. وتقديم المحتوى اللي انا بحبه
لأني بتكلم طول الوقت عن الموسيقى والصناعة الموسيقىة وتاريخ الموسيقى . ومبسوطة اوي أن انا مكملة في الخط اللي بدأته من 10 سنين.
ومن الحاجات الجميلة برده اللي حصلت لي في 2019 أن أنا بحضر منتدى شباب العالم في نسخته الثالثة للسنة الثانية على التوالي.
شرفت بالحضور السنة اللي فاتت والسنة دي كمان الحمد لله وشاركت في فعاليات المؤتمر والحقيقة انا لما باجي من المؤتمر.
بكون شحنت طاقة إيجابية ..و ده بشكل كبير سببه التنظيم و الأفكار الإبداعية اللي موجودة في الشباب والبرنامج الرئاسي اللي يشرف ويفرح الحقيقة
و جلسات النقاش . إلى جانب حضور طبعا السيد الرئيس السيسي عارفة لما تبقى في دائرة قريبة منه انت بتشحني طاقة إيجابية حقيقي.
هو فعلاً رئيس بدرجة انسان أنا اتشرف به أنه هو يكون رئيس لمصر.
أحزان صاحبة المقام في العام الماضي
الوحش في 2019 أن كان فيها بالنسبة لي فقد شديد في الحقيقة على المستوى الثاني بقى زي ما ادتني أخدت مني في فبراير توفت حماة اخويا انجيلا.
وهي سيدة انجليزية وصديقتي جدا. على المستوى الشخصي يعني هي مش بس كانت حماة اخويا .
كانت حبيبتي جدا. فقد أنجيلا الحقيقة مأثر فينا كلنا طبعاً الله رحمها.
الفقد الثاني في 2019 هو كلبي جامبو حبيبي عاش معايا 19 سنة .
فا أرتباطي به طبعا شديد لأنه كان صديقي وصاحبي وأبني في الحياة جامبو.
يعني حتى دكتوره ماكنش مصدق أن في كلب يعيش لغاية 19 سنة. أول مرة كان الدكتور البيطري بتاعه يشوف كلب يعيش لحد عمر 19 سنه .
أنا كنت شيفاها رحمة ربنا بيا.من العادي أن عمر الكلاب يتراوح ما بين 14 و 15 13 فأن كلب يعيش 19 سنة.
عارفة انا بقول كلب كده ومش عايزة اقول كلمة كلب عايزة اقول صديقي جامبو الحقيقة.
وكانت مفارقة أنه مات يوم الجمعة 29 مارس وكانت أول حلقة في قد المقام بعدها بيومين كان يوم الأحد فطبعا كنت متأثرة اووى.
كمان في سنة 2019 الحقيقة خضعت لعملية جراحية دقيقة جدا كنت بعانى من ورم والحمد لله ربنا أخذ بيدي وعملت العملية في مركز الأورام جامعة المنصورة
بشكر جدا دكتور محمد حجازي . لغاية دلوقتي بقوله متشكرة وهفضل طول عمري اشكره. لدقة العملية وخطورتها. ونجحت الحمد لله.
مع الأسف هي كانت في الوش وفي الرقبة . الورم كان في مكان غريب وكنت خايفة من أثره بس الحمد لله.
العملية كانت في شهر رمضان 2019 بس الحمد لله بفضل ربنا نجحت العملية. والحمد لله الحاجات دي انا مابشوفهاش وحشة
وحتى الفقدان مابشوفهوش وحش يعني هو بيبقى في وقته صعب. بس هو قدر في الأول والأخر.
إيه اللي بتتمناه صاحبة المقام والإعلامية بسنت بكر في 2020 على مستوى العمل والمستوى والاجتماعي ؟
أتمنى في 20 20…. أنا طول الوقت امنياتي عامة. يعني عارفة دايما أقول ربنا يخصنا وأحنا جوه العامة.
أتمني للناس كلها أن ربنا يجبر بخاطرها. و الناس كلها تبقى في أحسن حال.
و اي حد بيتمنى حاجة من ربنا ان شاء الله ..وأتمنى في 20 20 الستر والصحة وراحة البال.
ايه الجديد بالنسبة لبسنت بكر في 2020 ؟
برنامجي قد المقام الحمد لله. و ان شاء الله مكملين وده خبر حصري ليكي أحنا بعد ماكنا.
يومين في الأسبوع لمدة ساعة هنبقى يومين لمدة ساعتين. الحمد لله البرنامج مسمع مع الناس.
انا بشكر طبعا إدارة راديو 90 90 أنها ادتني مساحة أكبر من الوقت للتفاعل مع الناس وأني أقدم اكتر.
تحبي تقول أيه صاحبة المقام لجمهورها والناس اللي بتحبك بمناسبة السنة الجديدة؟
أحب أقول لكل اللي بيسمعني وكل اللي يعجبه شغلي في الراديو. والمحتوى الموسيقى اللي بقدمه عن تاريخ مصر الموسيقى وصناعية المزيكا
صاحبة المقام بسنت بكر هكذا لقبها جمهورها
بأقول لهم يعني أنتم كمان قد المقام وقدود وأشكر طبعا جدا اللقب اللي أدهولي جمهوري وهو صاحبة المقام ويا رب اكون طول الوقت
على قد هذا اللقب صاحبة المقام حاجة عظيمة يعني أنا لما فكرت فيه كأسم للبرنامج..
والله ما جاش في بالي أبدا أن المستمعين أو جمهورنا يقول لي صاحبة المقام ويارب سنة سعيدة عليهم كلهم بألف خير وصحة. .
