الإعلامي أحمد عاشور يطرح أغنية جديدة بعنوان”ملك الترند”
كتبت: ولاء مصطفى
طرح الإعلامي “أحمد عاشور ” أغنية جديدة بعنوان “ملك الترند” من كلمات “حسين جمال ،أحمد عاشور” وتوزيع “مايو الطايش” الفيديو ليريك تصميم سمكة العالمي.
كلمات الأغنية :
أنا ترندات ملك الحوارات
انا ترندات قاصف الجبهات
انتم مين اصلا يا ولاد
انا هنا صاحب الحصريات
ولا عاشور دا كبيركو وجوده سيطرة
نجاحو بيرجعكوا لورا
و شغله مظبوط بالمسطره
و انتوا بتوع هري و افورة
دماغي الماظ وانتم فاضيين
ابعدوا بقي حبه يا حاقدين
مش هتهدوا شقا السنين
خليكوا قاعدين و متابعين
في ثانية تاخد استمارة
تعالي اديك استشارة
عاشور تخطيط وادارة
و متربع ع الصادره
انا الملك نجاحي علامات
وانتو زمانكم ولى فات
حريف بتكلم بلغات
شهرتي يالا عبرت قارات
أنا ترندات ملك الحوارات
انا ترندات قاصف الجبهات
انتم مين ، اصلا يا ولاد
انا هنا صاحب الحصريات
أثبت ياد مين فيكو همني
دا كبيركم عمره ما هزني
مين يقدر فيكوا يهدني
انا الكبير وانتو عيال ميني
فوقوا باه ياد دا احنا السيادة
دايس على أعدائي ببيادة
والي يفكر يوم يضايقني
هشرب على روحه قهوة ساده
بس الغلاوي اللي منفسن
آخره يحك و اخره يلسن
وضعه ده مش ممكن يتحسن
ف الاخر يجي يتمسكن
عارفكم يالا دا انا عارف تمامكم
تاريخي لوحده يقل منكم
أحضر انا محدش يشوفكم
من سيطرتي تضربوا كفوفكم
أنا ترندات ملك الحوارات
انا ترندات قاصف الجبهات
انتم مين ، اصلا يا ولاد
انا اللي عندي الحصريات
محبوب دايما عندي كاريزما
ازاي تترسموا انا صاحب الرسمه
بحضر ف انتم ملكوش لازمة
وجودي في حياتكم عامل أزمة
نجوميتي بتهز اخصامي
بخاف على ششغلي و دمي أنا حامي
جايبها من تحت و عصامي
مببوصش يوم غير قدامي
سيطي انا لافف كل الكوكب
و اللي حاططني ف رأسه هيتعب
من غير ما العب دايما بكسب
في مجالي انا اللي صاحب الملعب .
يذكر أن الإعلامى أحمد عاشور معروف في الوسط الفني ب”عاشور تريندات” وذلك لأسئلته المتميزة من خلال حواراته مع النجوم مما يجعلها تريند بسرعة الصاروخ على مواقع التواصل الإجتماعي والسوشيال ميديا فضلا عن حب كل النجوم له لكفاءته المعهودة والمشهود لها من الجميع .
أما عن آخر لقاءات التريند كانت مع الفنان” عمرو عبد الجليل ومحمد التاجي ،بوسي شلبي، نهلة سلامة ،هاني البحيري وبسمة وهبة ،وغيرهم،”.
