الحب ضعف كبير ..بقلم الشاعرة: نور حجازي
حقيقي بجد تستاهل
أبيع لك قلبي بالساهل
واقرب روحي من روحك
عشقتك وده كان ذنب
فبتعذب بأشواقك
حقيقي الحب ضعف كبير
وبيغير حاجات فينا
ساعات الحب يعمينا عن التفكير
وعيونا تشوف كل الحاجات زينه
ونمشي كتير ورا قلوبنا
ونتعشم في صدق الحب
فيجرحنا
ونشرب من مرار الحب
ونبكي لصدق مشاعرنا
وتغرينا معاني الشوق
نتوه وسط الليالي السود
حاجات حلوه تفرحنا
وحاجات فينا كتير بتموت
قدر مكتوب
نعيش الحب برضانا ،، نعيش وجروحنا جوانا
نعيش وذنوبنا تهوانا
ومهما الحب يوجعنا
قلوبنا عاشقه لوجعها
ومين قادر ياناس يهرب من المكتوب
