الدكتورة رنا مبارك في حوار خاص جدا مع عالم النجوم
لو كان العالم دون وجود الطبيب لما كانت الحياة سلسة وسهلة إلى هذا الحد
ولكانت الأمراض البسيطة والكبيرة بمثابة مصيبة كبرى، لكنّ وجود مهنة الطبيب أعطت مساحة كبيرة من الراحة والشعور بالأمان والثقة لدى الناس
فأصبحوا يرون فى الطبيب شخصاً منقذآ للحياة ومحافظآ على الأرواح وحريصآ على صحة الناس
لذلك يجب إن يكون الطبيب على قدر هذه الثقة وإن يكون إنسانآ من الدرجة الأولى
وإن يعلم علم اليقين إن مهنة الطب ليست مقيدة بوقت معين ولا يُمكن له أخذ إجازة أو التعلل بالتعب إنْ اقتضى الأمر إنقاذ روحآ ما
وبما انها مهنة الإنسانية والضمير الحى ولوصف الناس لهم بملائكة الرحمٰن كان لنا إجراء مع احد ملائكة الرحمة وإلى نص الحوار
إعداد و حوار / محمد السفير
• فى البداية نحب نتعرف أكثر عن دكتورة رنا مبارك؟
انا دكتورة رنا مبارك أخصائى الأمراض الجلديه والتجميل والليزر تخرجت من كليه طب القصر العينى
وحصلت على درجة الماجستير فى الجلدية والتناسلية من جامعة الأزهر وقومت بقضاء فترة نيابتى فى مستشفى الحوض المرصود.
• ما سبب اختيارك لتخصص الجلدية والتجميل ؟
بشكل عام أنا بحب جدآ تخصص وعلم الأمراض الجلدية
لكن التجميل بشكل خاص ليه مكانه مميزة فى قلبى لأنى بلمسات صغيرة جدآ ممكن أساعد بنت إنها تثق فى نفسها أكتر وتحب نفسها أكتر وممكن أكون سبب فى علاج مشكلة بعد حادثه او حرق لا قدر الله.
وممكن أساعد السيدات الذين تقدموا فى العمر أنهم يقللوا علامات تقدم السن على بشرتهم ويظهروا بمظهر صحى أكثر شبابآ وده بالتأكيد هينعكس على نفسيتهم ويحسنها.
• هل كان دخولك كلية الطب بناءآ على رغبتك الشخصية ام رغبة والديك ام بحكم مجموعك فى الثانوية العامة وحبك لألتحاقك بأحدى كليات القمة؟
دخولى كلية الطب كان بناءآ على رغبتى الشخصية ومن أيام الطفوله وإنا بحلم بالألتحاق بكليه الطب ولما بشوف إى حد لابس بالطو أبيض ببقى مبسوطة جدآ وبتمنى أكون زيه
آكيد والدتى و والدى شجعونى ودعمونى علشان مجموعى كان كبير لكن دى كانت رغبتى فى البداية.
• بحكم دراستك للطب فى إحدى الجامعات الحكومية
ما هو الفرق بين دراسة الطب فى الجامعات الحكومية وغيرها من الخاصة من وجهة نظرك كطبيبة ودارسه لعلوم الطب؟
إنا فى البداية فخورة جدآ أنى خريجة كلية طب القصر العينى أكبر صرح للطب فى مصر
ولكن حاليا مفيش فرق كبير بين كليات الطب الحكومية والخاصة لأن زمايلنا خريجى كليات الطب الخاصة بيحضروا معانا سنوات التدريب العملى وسنة الامتياز بشرط طبعا أن تكون كلية الطب الخاصة معتمده ومعترف بها.
• بحكم سنك الصغير ما الفرق بين دراسة الطب خلال دراستك له ودراسة الطب الآن بحكم تطور النظام التعليمى و ما هو الفرق بين طلبة اليوم متلقىِ العلم وطلبة جيلك؟
دراسه الطب ومناهج الطب كانت وهتفضل دائمآ من أصعب المجالات المناهج وشكل الدراسة ماتغيرتش لسه محتفظة بصعوبتها لكن يمكن اللى اتغير الأجيال الجديدة مابقوش ياخدوا الموضوع على اعصابهم زى زمان يمكن جيلنا كان أهم حاجة عنده المذاكرة والأمتحانات والموضوع ضاغط على أعصابنا طول الوقت لكن دلوقتى الموضوع أختلف زى ماكل حاجه فى الحياة اختلفت وبتختلف.
• دراستك لعلوم الطب ما الفرق بين الدراسة النظرية وتنفيذ ما قومتى به من دراسة على أرض الواقع وممارستك له عمليآ وهل وجدتى صعوبة؟
يوجد فرق كبير جدآ اولآ احنا فى الكلية بندرس كل التخصصات وبنتعمق فى تفاصيل نظرية كثيرة جدآ
لكن بعد التخرج بيبقى مطلوب نحدد تخصص واحد وده اللى بنحضر فيه درجة الماجستير
بعدها بتيجى مرحله الممارسة العملية ودى بتختلف كثير عن الدراسة النظرية ومفيش شك إن الدكتور الناجح محتاج سنين خبرة وممارسة علشان يكون متمكن فى تخصصه
وممكن أضيف كمان ان ماكانش فى صعوبة الحمد لله لأنى تدربت كتير على تخصصى قبل ممارسته فى أماكن مختلفة سواء فى المستشفيات الحكومية او العيادات الخاصة.
• هل تودى وتريدِ تكملة دراستك وتكملة درجاتك العلمية داخل مصر ام خارجها وما الفرق بين دراسة علوم الطب داخل مصر وخارجها؟
أتمنى طبعا لو أتيحت لى الفرصة إن أكمل درجاتى العلمية خارج مصر حيث إن الدراسة العلمية خارج مصر تتيح إكتساب مهارات جديدة وخبرة أكبر وتعليم أساليب وتكنيك جديد فى مجال التجميل.
• بحكم عملك فى إحدى المستشفيات الحكومية او من خلال عيادتك الخاصة هل تجدى صعوبة فى التعامل مع المرضى؟
الحقيقة فى صعوبة كبيرة وخصوصآ فى مجال الجلدية والتجميل أولها انتشار الوصفات ومنتجات ضاره على النت سيدات كثيرة بتلجأ ليها وللأسف بيبقى ليها أضرار كبيرة جدآ وبييجو لنا فى مرحلة متأخرة نعالج أضرار المنتجات دى مع إنهم لو كانوا قاموا بزيارة أحد العيادات المتخصصة من البداية كانوا وفروا على نفسهم الوقت ومنعوا حدوث الأضرار لأنفسهم
ده غير عدم إلتزام المرضى بالعلاج أو مدته الكافية
وطبعا أكبر مشكلة بتواجهنا كلنا كدكاترة تجميل التوقعات الخيالية للمرضى بخصوص الطرق العلاجية وبيبقوا عايزين نتائج ساحرة من جلسة واحدة وده طبعآ مش ممكن يحصل العلاج لازم يكون تدريجى وعلى جلسات.
• بالنسبة لمجال العمل الخيرى والتطوعى هل قومتى بأى عمل تطوعى او عمل مبادرات خيرية ايام دراستك الجامعية او من خلال عيادتك الخاصة؟
خلال دراستى الجامعية شاركت فى العديد من القوافل الطبية وشاركت فى بعض الأعمال التطوعية التابعة لجمعية رسالة الخيرية
وفى العيادة الخاصة حاولت ومعى باقى الفريق والطاقم الطبى فى العيادة إن نستكمل العمل الخيرى عن طريق إستقبال بعض الحالات غير القادرة والكشف مجانآ على هذه الحالات.
•من الواضح خلال حديثك انك كنتِ من الطلبة المتفوقين دراسيآ هل هذا منعك من ممارسة هواياتك أو انشطة أدبية وثقافية ؟
للأسف الدراسة والمذاكرة كانت بتشغل كل وقتى ولهذا السبب لم اقوم بالمواظبة على ممارسة الهوايات والأنشطة.
• الدكتورة رنا مبارك ماهى هواياتك؟
الرسم والقراءة.
• هل حققتى ما كنت تحلمين به وتطمحين اليه من دراستك للطب البشرى وماذا تتمنى خلال مسيرتك العلمية والعملية وهل هناك أحلامآ وامنيات فى حياة رنا مبارك لم تتحقق بعد؟
آكيد لسه محققتش كل اللى بحلم بيه فى مجالى ويعتبر لسه فى بداية الطريق ولكن كان أول حلم اتحقق بالنسبة لى أنى اتخصص فى المجال اللى بحبه وأخد نيابتى فى مستشفى عريق زى مستشفى الحوض المرصود اللى اتعلمت منها كتير جدآ وان أحصل على درجه الماجستير من جامعة عريقه زى جامعة الازهر
فاضل أحلام كتير نفسى احققها آكيد وأتمنى أطور من نفسى ومهاراتى أكتر لأن الطبيب الشاطر لأزم يفضل يتعلم طول عمره.
• نريد أن نعرف وتوضحى وتصفى لنا وللقراء لحظة شعورك بالتخرج وطلوعك اول سلمة من سلم النجاح فى تحقيق امنياتك؟
بالفعل كان شعور جميل ملئ بالسعادة والفرح وفرحة أهلى واحبابى ومن حولى وهى من اللحظات الجميلة التى لا تُنسى مهما مر عليها الوقت والزمان.
• فى النهاية ليس فى وسعنا إلا أن نشكر سيادتكم لسعة صدركم خلال إجراء هذا الحوار الممتع وتلقى الأسئلة بكل حب والإجابة عليها بكل ود وصراحة
ونطلب من سيادتك توجيه كلمة أخيرة لطلبة كليات الطب؟
يجب عليهم أن يقوموا بتحقيق التوازن بين وقت دراستهم وحياتهم الإجتماعية وهواياتهم ووقت الترفيه
ولا يجعلوا إن تأخذ الدراسة كامل وقتهم لأن سنين الكلية كثيرة وآكيد لسلامتهم النفسية هيحتاجوا بعض أوقات الترفيه
ونصيحة لهم يجب عليهم بعد التخرج إختيار التخصص لأهميته حيث يجب السعى وراء التخصص اللى بيحبوه ويحبوا يشتغلوا فيه مش ياخدوا إى تخصص متاح لأن على اساسه هتترتب حياتهم كلها وأخيرآ اتمنى للجميع التوفيق والسداد والنجاح.
