الشاعر “بهاء الدين محمد” يعبر عن غضبه بعد تصريح شيرين عبد الوهاب عن أغنيته “ماتجرحنيش”
الشاعر “بهاء الدين محمد” يعبر عن غضبه بعد تصريح شيرين عبد الوهاب عن أغنيته “ماتجرحنيش“
عبر الشاعر بهاء الدين محمد عن غضبه الشديد على ما نشرته المطربة شيرين عبد الوهاب عبر خاصية الانستجرام
حيث نشرت الفنانة شيرين عبد الوهاب عن أكثر أغنية ندمت على تقديمها وهي “ماتجرحنيش” وهي من كلمات الشاعر المشهور بهاء الدين محمد
ونشر الشاعر بهاء الدين محمد عبر حسابه الشخصي على موقع التواصل الاجتماعي فيسبوك اسكرين للفنانة وعلق عليها قائلًا
مش متعود أرد على أى حد ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة يدافع عنها !!!
وح أتكلم بإختصار جدا :
المشهد الأول :
أول يوم دخلت شيرين_عبدالوهاب مكتبى كانت مع الأستاذ نصر_محروس اللى هو صاحب الفضل ف تقديمها
وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء !!!
والمشهد الثانى :
رشحتها تغنى كتير_بنعشق ولولا موافقة نصر إحتراما للعشرة اللى بنا ماكانتش ح تغنيها لأنها كانت موقوفه من النقابة
المشهد الثالث :
لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطه زى دى !!! لأن المشهد ده مش لايق على المشهد الأول .
المشهد الرابع والأخير :
أغنية ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش ح يتم اللقاء . وماتجرحنيش من أهم أعمالى ومن حقى أدافع عنها نتاج تهور اللى غنيتها
وكمان لأول مره ألاقى حد بيحارب نَفسه وبيغلط ف مبدعين إشتركوا ف صناعته !!!
وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تانى وأنتى بتكبرى بس مش ح تعدى حدود حجم بعض الأسماء ولا أعمالهم
الشاعر بهاء_الدين_محمد
