الشيف محمد الحاوي في حوار خاص مع عالم النجوم
إعداد وحوار / مايسة محمد عبد الحميد
الشيف محمد الحاوي هو شيف حلواني بدأ العمل من سنة 73 حتى 2017 وقد سافر أوروبا الدانمرك و فرنسا ولندن وهامبرج في ألمانيا والسويد والنرويج واقام مهرجانات لهيئة تنشيط السياحة في هونج كونج وسنغافورة وفرنسا.
بدأ عمله في فندق شيبرد وعمل في أماكن كثيرة وخاض العديد من المسابقات.
وقد احرز العديد من الميداليات منها 6 ميداليات ذهبية و 6 ميداليات فضية و3 ميداليات برونزية كما حاز على ميدالية ذهبية بالمغرب العربي.
كما أنه عضو في جمعية الطهاة المصريين وعضو شرفي في نادي الطهاة الفلسطيني.
والشيف محمد الحاوي هو المدبر والمؤسس الرئيسى للحدث في الأسكندرية.
ماذا عن الكورسات المجانية في ورلد آرب شيف؟
انا لسه بتناقش لاني عايز اعمل مبادرة من ورلد آرب شيف لذو الاحتياجات الخاصة انهم يحضروا الكورسات مجاني بس لسه ما اخدتش بروفه حتى من الاوتيل او الارب شيف عايزين نساعد ذوي الاحتياجات الخاصة مانحملهمش عبء عليهم أو يشوفوا انهم اقل من الناس بل بالعكس احسن الناس.
من صاحب فكرة الكورسات بفندق رومانس؟
صاحب الفكرة هو مستر ياسر سرور وانا نشطت الفكرة معاه وجبت الورلد آرب شيف وهو معتمد في مصر مع هيئة الأستثمار وله الاحقية في إقامة معارض و إعطاء كورسات بالنسبه للفنادق والمعاهد الفندقية.
هل اقتراح مستر ياسر سرور اقتصر على الكورسات فقط؟
هو الاقتراح يشمل كل مايخص الطبخ وهنعلن كمان قريب بس بعد معرض كافيكس هنعلن عن مسابقة في اسكندرية عشان اسكندرية متعطشة للحاجات دي عشان نعمل احتكاك بين الشيفات في القاهرة والشيفات في جميع محافظات مصر.
ما هي بنود الاتفاق مع فندق رومانس الأسكندرية؟
هيكون في كورسات في جميع مجال الطبخ وفي كورسات في السرفيس والفرنت أوفيس بس احنا لسه بنحدد الحاجات دي.
ما هو دور الشيف الحاوي في الاتفاق؟
انا مدرب في آرب شيف وبدي كورسات حلواني و اما بالنسبة للفندق انا بضيف حاجة واجبي كمصري وانا رجل عشت في اسكندرية وبحب اسكندرية فنفسي اضيف حاجة للشيفات اسكندرية فلما مستر ياسر عرض عليه الفكرة اتحفذت للفكرة.
الشيف الحاوي هل يفضل اللونج ترم أم الشورت ترم؟
اللونج ترم بيكون للمبتدئين بياخد أساسيات البيزج بتاع الحلوانى أو المطبخ من البداية للنهاية.
هل الفندق معد للمتدربين ام يحتاج لإضافة من ورلد آرب شيف؟
الاتفاق ان ورلد آرب شيف هيجيب الشيفات اللي عنده والفندق عنده مكان التدريب الكوتمنت حتى المتريال اللي الشيف هيشتغل بها. فالفندق معد لاستقبال المتدربين.
وفي شوية حاجات هتتعمل في المطبخ لسه ان شاء الله احنا هنبدأ نعمل كورسات بعد 10 أيام من تاريخ الأعلان عن وجود ورلد آرب شيف بفندق رومانس أسكندرية.
هل سيقام مهرجانات في فندق رومانس إسكندرية؟
ايوة طبعا هيكون في مهرجانات يعني المهرجان اللي جي هنعلن عنه في اسكندرية وهو هوتيل اند كافيكس وهيبقي الراعي الرسمي له فندق رومانس أسكندرية شركة مصر للسياحة.
ما رأي الشيف الحاوي في حدث اليوم
رأي ان الموضوع كان لازم يتعمل في اسكندرية لان اسكندرية متشوقه لحاجة زي دي وأن شاء الله في خبر جديد مش هعلن عنه دلوقتى هيكون بعيد عن اسكندرية وبورسعيد.
