الضحكة لو نسياك.. بقلم: سامح فؤاد

الضحكة لو نسياك
أجرى لها فكرها بيك
قولها محتاج
ضحكتين صبايا بيض
ينسونى اللى فات
و يبعدوا كل نقيض.
ياخدونى من الاحزان
و من كل فكر مريض.
يجددوا فيا الافراح
بدون غش أو تعويض

الضحكة لو بعدتت عنك
اسال نفسك لية؟!
مش عارف تضحك ليه؟!
قلبك جرى له ايه؟!
فكرك مشغول بايه؟!
خايف تضحك ليه؟!
روحلها و قولها بعدتى ليه؟!
حتقولك
أنا موجودة
مستنية إبان فى الصورة
بس انت اللى اعطيت مكانى
للهم
و مسكت فى كل حزن
و فكر يغم.

اسالها و العمل ايه؟!
حتقولك
اطردهم و قول يارب
و أجرى حالا إليه
قوله محتاجلك
يارب
و رامى حمولك عليه
هتلاقى حضنة مفتوحلك
و قلبه متشوق اليك
حيريح فكر قلبك
و يرجع الضحكة
ل عينك