الفترة الأخيرة .. بقلم / حمادة العسكري

الفترة الأخيرة شوفت فيها كتير صدمات
بتقل الحبايب كله غايب في الأزمات
جوايا شئ مكسور حتى الشعور بالأيام مات

كشف الزمان الوحده اللي داريتها ليالي كتار
عرى الجرح المتغطي جبرني أخطي وسط النار
أدي الأمان لمين والطيبين طلعم أشرار

صعب الايام دي ألاقي حد باقي أو شاري
وره كل وش بلاقي ألف وش مداري
في الزحمه تاه دليلي محتار ليلي ونهاري

طعم الأيام متمرر وبتتكرر الأوجاع
كل الأحباب فرقوني أيوا باعوني بالإجماع
وكمان بينكروا خيري أنا على غيري عمري ضاع

مشغوله الأيام بيا جايه عليا بإستمرار
بحاول إني أعيش رغم مفيش بينا عمار
يادنيا كفايه بس نفسي أحس بإستقرار

صعب الايام دي ألاقي حد باقي أو شاري
وره كل وش بلاقي ألف وش مداري
في الزحمه تاه دليلي محتار ليلي ونهاري