الفنانة بسمة: أنا مش بقرة وبنتي بتتحكم فيا بشكل كبير

كشفت الفنانة بسمة: “مكنتش بحب الرضاعة، ومش حابة أمارس دور البقرة في حياة حد، علشان كده أنا رافضة فكرة الرضاعة على الإطلاق”.

وأضافت خلال لقائها ببرنامج “الستات” الذي تقدمه مفيدة شيحة وسهير جودة على قناة “النهار”: “رضَّعت بنتي نادية طبيعي لمدة عامين ليس كل ساعتين أو 4 أو 6 ساعات لكن وقت لما كانت عايزة”.

وتابعت بسمة: “أنا أصلًا كنت برفض أن طفل ينام جنبي لأني بتقلب ونومي تقيل، ومش عاوزة طفل ينام جنبي ولكن لما رجعت من المستشفى يوم الولادة كان سريرها جاهزًا علشان تنام لوحدها، وكنت فاكرة إن الحياة هتمشي كده لكني اكتشفت أنه مش حقيقي ومش موجود”.

وأردفت: “الأمومة غيَّرت حياتي بشكل كبير، وبنتي بتتحكم فيا بشكل كبير، وهي لفاني على صابعها الصغير، وتعرضت لاكتئاب بعد الولادة، وفي أول يومين بعد الولادة كانوا بيجروا ورايا يقولولي رضعي البنت علشان جعانة وأنا كنت رافضة ولكن بقيت أتعامل بعد كده”.