الفنان المسرحي “بيبو عماد” فنان بدرجة نجم و يطمح بأن يصبح محمد صبحي المستقبل
حوار / آيه سالم
الفنان “بيبو عماد” قام بلفت الأنظار إليه أثناء تمثيله في العرض المسرحي “محامي دمه حامي” لممارسته مهنة التمثيل بكل بساطة و يسر حيث قدم شخصية مختلفة و قام بتغيير لهجته و كان يعمل لدي مكتب محامي و ظهر بصورة كوميدية لمناقشة القضايا الإجتماعية مما جعله محط أنظار للجمهور .
مين هو بيبو عماد ؟
أبانوب عماد جابر و الشهرة “بيبو عماد” مواليد 17/5/1995 محافظة الإسكندرية بحب التمثيل و الرقص الإستعراضي جداً مثلي الأعلي في التمثيل هو الزعيم عادل إمام و نفسي أوصل للمرتبة الفنية للأستاذ “محمد صبحي” و يبقي عندي مسرح بإسمي و عملي الأساسي هو مهندس صيانة .
حدثني عن بدايتك الفنية ؟
إبتديت الحياة الفنية في 2006 علي مسرح المدرسة و تطورت معايا لحد 2019 في مهرجان راشي في عرض القضية 38 أحوال للمخرج الراحل عماد خلف و كنت من ضمن فريق شركة كهرباء الإسكندرية و عملت عرض 7 ليالي إسمه عقلاء و لكن للمخرج تامر مسعد و بعديها أسسنا فريق زلزال للفنون المسرحية بقيادة الجنرال أحمد حمدي و كان أول عرض لينا الرضا سر السعادة و بهلول و العمدة زناتي و وكر الأفاعي و دكتور أمراض نفسية و براعم مصر و حكايات عم أمين و جدو كركور و آخرهم محامي دمه حامي و أيضاً من ضمن العروض دي إشتغلت فيها مخرج منفذ و ممثل كمان لأن المسرح الحاجة الوحيدة اللي بعملها بإتقان و المسرح هو أسرع وسيلة تقدر توصل للجمهور و أحسن طريقة توصل بيها رسالة .
ماذا يعني لك الفن ؟
الفن بالنسبالي هو أحسن و أفضل وسيلة لتوصيل الرسائل و مناقشة القضايا في المجتمع بكافة أنواعها من مشاكل زوجية لزوج ممدمن لإبن بار بوالديه بس بصورة سهلة و بسيطة و صورة كوميدية ممكن يكون حد من الجمهور بيمر بنفس قصة العرض اللي مكتوبة بس مش قادر يفهم أنا بدوري كممثل أقدر أوصله الرسالة .
ما هي مقترحاتك نحو تطوير الفن المسرحي ؟ و هل الفن المسرحي يأخذ حقه أم لا ؟
إقتراحتي التطوير لأن الشباب السكندري عندهم موهبة عالية أووووووي محتاجين نسلط الضوء علينا محتاجين نتشاف أكتر في إسكندرية إحنا في إسكندرية بنقدم فن هادف بنقدم رسائل و بناقش قضايا إحنا هنا في إسكندرية مش واخدين حقنا و نستاهل بجد فرصة لأن مسرحنا بيقدم رسالة مش كلمة في نص أو إرتجالة .
كشف الفنان “بيبو عماد” عن مشاركته القادمة في العرض المسرحي “إلا بيسو” و عن المشاركة في مهرجان الفنان الراحل “إسماعيل يس” عن عرض “وكر الأفاعي” .
