الفنان خالد محمود “الجزء الثالث” في حواره الخاص مع عالم النجوم
إعداد وحوار / دعاء نصر
عشق التمثيل منذ الطفولة حيث كان يشارك في المسرح المدرسى ولذلك التحق بالمعهد العالي للفنون المسرحية. برع في أداء الشخصية الايجابية مثل ضابط الشرطة أو الابن المطيع كما تميز من ناحية آخرى تقديم شخصية (الولد الشقى) سواء في الأعمال التليفزيونية أو السينمائية وقد بدأ الجمهور في معرفة الفنان خالد محمود بعد أن شارك في بطولة فيلم “شاويش نص الليل”. شارك خالد محمود في أول عمل تليفزيونى وهو مسلسل “مذكرات زوج” أمام الفنان محمود ياسين ثم مسلسل “خلف الأبواب المغلقة” وحصل على جائزة عن هذا المسلسل.
عيلتي شكلها كوميدي هندي وصيني ومصري .. ماذا تقصد بهذه العبارة ؟
حكاية عيلتي شكلها صيني شكلها كوميدي وهندي وصيني ومصري، احنا العايلة كلها النسل من خالاتي وخيلاني وأولادهم واللى اتجوز وخلف هتلاقي عندنا اللي طالع شكله مصري اوي لان احنا كمان جزء في ناس راحت، عندك خالي الله يرحمه كان مقيم في ماليزيا ومتجوز ماليزيا وولاده ملازين واعدين هناك دلوقت، ليه عمي أولاده في ايطاليا مثلا حتي الحاجات دي عملت تهجين من الأشكال فتلاقي زي ما بيقولوا العرق يمد لسابع جد فتلاقي اشكال طالعه عندنا صيني صرف، واحد مصري صرف وواخد من العرق المصري واخد حته تركي علي حته صيني فعمل شكل هندي، فا ده اللي كنت اقصده ان التهجين عمل اشكال غريبة عندنا.
ما الذي لا يعرفه الجمهور عن الفنان خالد محمود ؟
اللي مايعرفوش الجمهور عن خالد محمود بس الحمد لله دا بيوصلني من آراء الناس كلها ان بيقولولي انك محترم في أدوارك بنرتاح لما بنشوفك بنحس انك واحد من العيلة هو ده بسبب حاجة وحدة اللي بيحط ربنا ادام عينه بيبقي ضميره صاحي جدا وانا الحمد لله وده بشهادة الناس المقربين مني جدا، الضمير الصاحي دايما ببعد عن الغلط بقدر من الامكان
وقدر المستطاع احنا كلنا بشر وبنغلط لكن الحمد لله وبفضل ربنا براعي ربنا في كل حاجة اللي ميعرفهوش الجمهور عني الامانة، انا عندي الأمانة دي رقم واحد لان انا برده يفترض لما حد بيأتمني علي حاجة انا براعى ربنا في الأمانة دي مش بشغل نفسي بالبشر مؤمن جدا بالقدر والنصيب الرباني اللي هو لو كل واحد ببساطة شديدة حط ربنا وتعاملاته مع ربنا عمره ماهيتعب ولا عمره هيكون جواه صراع دنيوي زي ما بيحصل مع البشر اللي عمالين يتقاتلوا. وده بيشيل ده من شغل ده وده بيدوس على ده وحاجات كتير وناس تستحل لنفسها حاجات فالحمد لله الرضا والقناعة من أهم سماتي وصفات في حياتي.
