الفنان عمرو عبد العزيز عن فيلم تاج: الفيلم فى اطار فانتازيا كوميدي

أعرب الفنان عمرو عبد العزيز عن رأيه في فيلم تاج عبر صفحته الرسمية على موقع التواصل الاجتماعي فيسبوك معلقا: “مش بحب اقول رائيي فى فيلم غير لما اشوفه بنفسي و اقول وجهه نظري

امبارح اتفرجت على فيلم تاج للميجا ستار تامر حسني الفيلم فى اطار فانتازيا كوميدي …الفيلم والله عجبنى و عجب الناس اللي كانوا فى السنيما
بصراحه انا ضحكت و اللي كانوا فى السنيما كانوا بيضحكوا وعجبنى جدا مستوى الجرافيك اللي معمول فيه بصراحه
وفي الاخر لولا اختلاف الاذواق لبارت السلعه الفيلم هيعجب ناس و مش هيعجب ناس ده طبيعى جدا بس ياريت حتي الناس اللي مش عاجبها الفيلم يقولوا نقدهم بشكل محترم بدون تجريح فى حد لان فى مجهود مبذول فى الفيلم وناس تعبت و شقيت عشان الفيلم يخرج للنور
وعايز اقول اني سعيد بمخرجه الفيلم ساره وفيق اننا بجد عندنا مخرجه ست بعد ساندرا نشات و كامله ابو ذكرى عندها وعي وقدره على التحكم و التعامل مع كل العناصر دى من الديكور و التصوير و الموسيقى و الجرافيك وعلى فكره دي حاجه مش سهله خالص
احمد عبد القادر مدير التصوير بجد جاااااااااامد جدا و عامله صوره تحفه
في النهايه مبروووووووووك لتامر حسنى وكل فريق عمل الفيلم
ملحوظه بس صغيره انا حبيت تاج اكتر من هارون وكنت عاوز اشوف كميه شر اكتر من هارون 😃”

الجدير بالذكر أن فيلم «تاج» وصفه تامر حسني بأنه أول عمل سوبر هيرو عربي، ويشارك في بطولته عدد كبير من الفنانين، أبرزهم دينا الشربيني، أحمد بدير، بيومي فؤاد، ساندي، ومحمد أبو داود، وهالة فاخر، وغيرهم، والعمل من إخراج سارة وفيق.