الفنان يوسف فوزي يروي أهم وأدق التفاصيل وأسباب إعتزاله الفن
كتبت: مادونا عادل عدلي
كان الفنان المعروف يوسف فوزى مع الإعلامي عمرو الليثي في حلقة من برنامج واحد من الناس والمُذاع على قناة الحياة
وكشف الفنان عن تفاصيل إصابته بمرض شلل الرعاش، وأكد على أنه بعد أن قدم دور الطبيب المُصاب بمرض شلل الرعاش فى المسلسل الشهير “أُوبرا عايدة” أصيب بعدها بعدة سنوات بالمرض.
وتابع الفنان قائلاً:ـ “وأنا بقدم دورى فى مسلسل أستاذ ورئيس قسم، الفنان عادل إمام لاحظ إيدى وأنا بحطها فى جيبى وهى بتتهزز جامد، ولكنه لم يعرف أننى مُصاب بمرض الرعاش، وكمان هو مطلبش منى إنى أعتزل زى الناس ما بتقول، وأنا اللى أخدت القرار ده بعد المسلسل الشهير (ولى العهد)، وده علشان الفترة الأخيرة الكل كان بيطلب منى إنى إيدى متتهزش، وبصراحة أنا مكنش ينفع أكمل بالشكل ده”.
وأضاف الفنان:ـ “وبعد ما إعتزلت تفرغت لتربية ابنى عمر، وده علشان هو كان مُصاب بنوع من أنواع التوحد الخفيف أوى، ولما قرأت عن مرض عمر إتضح بأنى كنت مُصاب بنفس المرض، وكمان زوجتى ساعدتنى فى مرضى، وعلى فكرة أنا كنت رافض الظهور فى أى برنامج علشان مش عاوز حد يقول إنوا بيستعطف الجمهور”.
واستكمل الفنان يوسف:ـ “ناس كتير سألت عليا، وكتير من الفنانين أبرزهم “محمود قابيل، الراحل عزت العلايلى، الراحلة شويكار، الفنانة رجاء الجداوى” وغيرهم، وأنا بعذر اللى مسألش عليا لحد دلوقتى علشان الكل مشغول فى حياته ومشاكله”.
وأنهى الفنان حديثه:ـ “أنا أُصيبت بمرض السرطان، ولكن كان فى المراحل الأولى، والحمد لله عملت جراحة وخفيت منه، وكمان أُصيبت بنزيف فى المخ بسبب وقوعى على الأرض، وبردوا الحمد لله كان نزيف خارج غشاء المخ مش جوه، وفى النهاية أنا بحمد ربنا على قضاءه وصابر على ابتلاءه دائما”.
