الفوتوجرافر “أحمد خالد” Ak11 “التصوير شغفي و الكاميرا صاحبي”

حوار / آيه سالم

يعشق التصوير و الفن يهتم بأدق التفاصيل و ينغمر بين لون و أخر يلتقط الصور بسرعة البرق و بإحترافية غير محدودة ينافس و بقوة في مجال التصور لإبداعه و تركيزه الدائم علي أبسط و أدق التفاصيل لإخراج معاني كثيرة من داخل صورة قد تبدو للبعض بأنها صورة عادية و إنما مع التمعن نري بها ألف معني .

يشارك في الكثير من العروض المسرحية لتفوقه و عندما زاد التفوق و أصبح صاحب إسم منتشر أصبح تصويره يشاهد من قبل بلدان حول العالم و أصبح فوتوجرافر مشهور في مهرجانات دولية و كان أبرزهم المسرحي الدولي و السينمائي الدولي بمدينة الإسكندرية .

حدثني عن مشاركتك في مهرجانات دولية كمصور من أبرزهم الإسكندرية المسرحي الدولي و السينمائي الدولي ؟

كنت في فريق مسرح كلية تجارة بمثل و كنت بصور و زمايلي طلبوا مني مرة أصور عرض ليهم و بدأت أصور و أتعرف في الجامعة بعد كدا رحت مهرجان مسرح بلا إنتاج و إتعرفت و عملت علاقات الحمدلله و بعدها بدأت أصور مهرجانات دولية زي مهرجان إسكندرية السينمائي أفلام قصيرة و مهرجان إسكندرية السينمائي لدول البحر المتوسط ، و الأجواء كانت دايماً لطيفة و ساعات بيحصل صعوبات بس الحمدلله بقدر أطلع شغل كويس أنا راضي عنه و أتمني إن السنة الجاية أوصل لمهرجانات أكتر و الناس تعرفني .

ماذا يعني لك التصوير ؟ و ما هواياتك المفضلة ؟

التصوير ده شغفي ، حب و حكاية كبيرة أوي و بلاقي نفسي فيه جداً ، الكاميرا دي صاحبي .

بحب التمثيل جداً و حلم كبير بس متأجل ، بحب الكرة جداً و بحب تتفرج عليها أوي و طبعاً التصوير .

متي إكتشفت حبك للتصوير ؟

من زمان جداً من أولي إعدادي مثلاً و أنا بحب أصور أي حاجة قدامي بالموبايل سواء أكل أو ورد أو مباني و أي حاجة قدامي كنت بحب أمشي أصورها و كنت بحب أصور صحابي .

ما هي الصعوبات اللي تواجهك ؟ و ما سر شهرتك ب Ak11 ؟

الحمدلله مفيش المعني الحرفي لكلمة صعوبات بس أنا نفسي أغير الكاميرا قريب و الناس تشوف شغلي و ينتشر و أوصل للمكانة الي أستحقها .

بحب طريقة إختصار لاعيبة الكرة زي رونالدو مثلاً ، Ak إختصار لإسمي و 11 عشان بحب لاعيبة الكرة رقم 11 و كنت بلبس الرقم ده و أنا صغير و عشان مالك في فيلم العالمي ، الأسم لزق فيا من صغري و بقا Ak11 بس .