الليله دي أحلى ليله … بقلم الشاعر الغنائي: حماده العسكري
الليله دي أحلى ليله
وقصاد الضحكه الجميله
القمر لازم يقوم
يلا تعالي نروح بعيد
لمكان أبعد م النجوم
إنتي أختي وانتي بنتي
وف حياتي لما بنتي
كل شئ فيا إكتمل
انتي أقربلي من نفسي
وقت يأسي انتي الأمل
الليله دي غير اي ليله
واللي جاي غير اللي فات
حققت بيكي الامنيات
والحاجات المستحيله
ليله تسوى ألف ليله
قربي مني أكتر كمان
الليله أنا أسعد إنسان
حياتي بيكي أكيد جميله
الحياه في عيوني انتي
مالكه قلبي سنتي سنتي
كل يوم بيزيد شعور
انتي حتى وقت نومي
وف أحلامي ثابته حضور
ماتغبيش عني لثواني
ببقى بيكي حد تاني
سلطان زماني ونجم عصري
عارفه لما بتضحكيلي
نجم ليلي بيضوي قصري
الليله دي غير اي ليله
واللي جاي غير اللي فات
حققت بيكي الامنيات
والحاجات المستحيله
ليله تسوى ألف ليله
قربي مني أكتر كمان
الليله أنا أسعد إنسان
حياتي بيكي أكيد جميله
