المخرجة لمياء طلبة تهنئ الجميع بقدوم شهر رمضان وتتحدث عن طقوسها

إعداد وحوار / دعاء نصر

المخرجة لمياء محمد طلبة مخرجة فى قناة الدلتا حصلت على دورات في معهد التلفزيون وعملت بالعديد من البرامج منها الإخبارية والثقافية وحاليا ببرنامج المرأة ست الستات وهو برنامج يخص المرأة في العناية بجمالها وتنسيق بيتها ، طبعا بنقدم أحسن الشيفات وبيقدمو لهم أحلى الأكلات التى تعجب وترضى الذوق المصرى وبرنامجي الجديد سينما زيون وفيه نلقى الضوء على الأعمال السينمائية المهمة التى تمتع المشاهد المصرى والتى لها بصمة فى تاريخ السينما من حيث أبطال الفيلم والإخراج والتصوير والديكور والإضاءة والموسيقى التصويرية .

ما الأجواء الخاصة والطقوس التي تداومي عليها في شهر رمضان الكريم؟

اولا لازم نحس برمضان فى البيت الأول نزينه بزينة رمضان الجميلة والفوانيس المزخرفة بأبهى الرسومات والمضيئه .. وطبعا صلاة التراويح بس السنه فى ظل الظروف الراهنة وحرصا على سلامة أبنائنا وسلامتنا هنصلى صلاة التراويح بالمنزل

إيه أكتر أكلة بتحب تاكلها من وانتي صغيرة أول يوم رمضان ؟ واكتر اكلة بالنسبالك بتميز رمضان ؟

اكتر اكله بحب اكلها المكرونة بالبشاميل ومحشى ورق عنب والبط وطبعا الطبق الاساسى فى رمضان يوميا الشوربه باختلاف أنواعها والخشاف .
وطبعا الحلويات الكنافة والقطايف لانهم علامة اساسية فى شهر رمضان الكريم

أكتر حاجة في التليفزيون كانت بتحسسك أن رمضان أما بتتفرج عليها ؟ وايه رأيك في اللي بيتقدم في رمضان دلوقتي ؟

كنت بحب مشاهده المسلسلات الدينية والتاريخية وطبعا بقالنا سنين مفتقدين النوع ده من المسلسلات ..والفوازير الجميل

هل تظني وجود صلاة التراويح أو لمة العيلة والعزومات السنة دى وفي ظل الظروف الراهنة في العالم؟

ما اعتقدش ان هيكون فى تراويح السنة دى بس الأزمة الحالية وده الافضل لان نتعافى جميعا وتتعافى مصر ونمر من الازمة دى على خير ان شاء الله

لمياء طلبة تحبي تقولي ايه للناس اللي بتحبك وللشعب المصري بمناسبة قدوم شهر رمضان؟

أحب أقول للشعب المصري الجميل ولبلدى مصر كل سنة وانتم بخير وبصحه وكل سنه متجمعين على خير ورمضان كريم علينا جميعا وعلى الامه الاسلاميه ويارب احفظ مصر من كل سوء ومن كل شر