المخرج أحمد خالد أمين: مصطفى شعبان نجم مهني بالدرجة الأولى وبيدي مساحة لكل زمايله

تحدث المخرج أحمد خالد أمين، عن حقيقة تدخل الفنان مصطفى شعبان في السيناريو وحذف مشاهد أبطال العمل، مثلما أشيع عنه سابقاً، موضحاً أنه لم يكن فناناً ديكتاتورياً ولا يتدخل في العمل نهائياً.

وتابع المخرج أحمد خالد أمين، في مداخلة هاتفية مع الإعلامية نهال طايل، ببرنامج إحنا لبعض، المذاع على قناة صدى البلد،: «أنا من أوائل المخرجين من أول ما بدأت 2016 مش ديكتاتور بس بحترم مهنتي بحترم كلمة المخرج، وأنا من مدرسة أستاذ شريف عرفة وعمرو عرفة يعني، فبالنسبة لي لو أنت مش داخل أصلاً كمخرج عارف تحط الكاميرا فين وعارف هتوجه الممثل إزاي وعارف إيه اللي هيتاخد في المونتاج يبقى أنت متخرجش أصلاً، لأن لو النجم خياله أعلى من خيالك طبيعي هو اللي هيسوق أو هو اللي هيوجه».

وتابع المخرج أحمد خالد أمين: «مصطفى شعبان نجم مهني بالدرجة الأولى يعني فاهم كويس قوي دور المخرج ودور المؤلف وبيدي مساحة لكل زمايله الممثلين في الأدوار وفي الأحجام، معندوش فكرة النجم اللي عايز يبقى بيظهر وغيره ما بيظهرش ومهتم جدًا بكل شخص جاي المسلسل وبيبقى مهتم إن محدش يبقى عنده مشكلة وفي ظهر المخرج طول الوقت، يعني اللحظة الوحيدة اللي ممكن مصطفى يختلف فيها لو حس إن المخرج أو الفريق مش مهتم أو إن هم بيتعاملوا إن هم جايين يصوروا مشهد ويمشوا وده محصلش معانا».

وتصدر هاشتاج مصطفي شعبان” و”درش” تريند موقع إكس وفيسبوك، واحتل البحث عنه المرتبة الأولى على جوجل بعد عرض الحلقة الخامسة.

مسلسل «درش» من بطولة: مصطفى شعبان، وسهر الصايغ، ورياض الخولي، وسلوى خطاب، وجيهان خليل، وأحمد فؤاد سليم، ومحمد علي رزق، وهاجر الشرنوبي، وعايدة رياض، وغيرهم، والعمل من تأليف محمود حجاج، وإخراج أحمد خالد أمين، وإنتاج شركة سينرجي.

https://www.facebook.com/share/v/182aVf9yzS/