المخرج “رؤوف عبد العزيز” يتحدث عن سبب اختياره لاسم “إنحراف”
كتبت: مادونا عادل عدلي
تجدث المخرج “رؤوف عبد العزيز” عن اختياره لاسم انحراف قائلا… ” اختارنا اسم “انحراف” الذى تم عرضه في شهر رمضان الماضى، بالاتفاق مع المؤلف مصطفى شهيب بعد تفكير شهرين كاملين خاصة وأننا كنا نفكر في اسم صادم ومناسب في نفس الوقت موضحاً: “فكرة الاسم انه صادم دى أكتر حاجة كنا قاصدينها لأن هدفنا الأساسي اننا نصدم المتلقي ونقوله فوق احنا سلوكياتنا بقت كلنا مع بعض انحرفت”.
وأكد عبد العزيز في ندوة لصناع العمل أنه لا يفكر في أمور المنافسات مع باقى المسلسلات أو مع النجوم حتى إذا كانت هناك إمكانيات أكبر في الأعمال الأخرى، وكذلك مقاييس النجاح بالنسبة له مشدداً على: “بالنسبة لى لو لقيت جوايا فكرة وهّم وإحساس عاوز أوصله في عمل، ولو قابلت اثنين وصلهم اللى أن عاوز أقوله فببقى سعيد وبحس إن الدور اللى إنا عاوز اعمله عملته، لأن أنا وظيفتى مش انى أثير الغرائز، ولكن أؤثر في المشاعر وأخلى مخ المتلقى، ولما أجد دا حصل ولو لمشهد واحد بصراحة بكون حاسس بالنجاح”.
وتابع: “فكرة المنافسة مع اللي حوالينا بقول اننا نمارس فن، ولسنا في مصارعة محترفين، والفن ملوش علاقة بإمكانيات ولا بأى معايير من اللى حوالينا، والفن عبارة عن حاجة انت بتطلعها من جواك سواء مشاعر أو عقلك والمتلقى بيستقبلها، وحسب نوعية المتلقى بيستقبلها ازاى، لا هيا منافسات ولا حلبة سبق ولينا أسوة في كل أعمال الأبيض والأسود اللى كل الناس بيتاثر بيها فالمتلقى يحتمل كل التنوع وارى أن ذلك زخم والمشاهد هو المستفيد”.
ويذكر أن مسلسل “انحراف” تم عرضه فى شهر رمضان الماضى، وهو بطولة روجينا، لوسي، وسميحة أيوب، عبد العزيز مخيون، أحمد فؤاد سليم، محمد لطفي، رانيا محمود ياسين، محمد كيلاني، أحمد صفوت، ويزو، سما إبراهيم، ميدو عادل، محمد مهران، نانسى صلاح، اسراء رخا، وتأليف مصطفى شهيب، وعدد من الفنانين الشباب وإخراج رؤوف عبد العزيز.
