المخرج “مروان الجوكر” في حوار خاص قدوتي الفنية “ماجد الكدواني – يحيى الفخراني”

كتبت / آيه سالم

مين هو مروان الجوكر ؟ و ما هو مشوارك الفني ؟

أنا إسمي الحقيقي مروان السيد عبد الحفيظ و إتعرفت من صغري ب ‘مروان بن مالك” و كانت شهرتي الجوكر من مواليد محافظة الإسكندرية عام 1995 ، دخلت المجال من و أنا عندي 16 سنة في البدايه كشاعر و مؤلف قصص قصيرة و إسكتشات كنت بحب التمثيل جداً و كنت كل ما أكتب إسكتش بحاول أمثله و دخلت جميعة تبع إتحاد الثقافة و مع مرور الوقت بقيت بعمل ميكاب جروح و إتعرفت بالموضوع ده و ده طبعاً بجانب التمثيل و بعد فترة إبتديت أشتغل مع فرق كتير كممثل و كمدير فرقة و مساعد مخرج و مخرج منفذ لحد ما في فترة قررت أبقي مخرج سنه 2019 و أخرجت مسرحيات كتير و بجانب ده خدت ورشة إخراج سينمائي و الشهادة إمضاء من دكتورة “إيناس عبد الدايم” وزير الثقافة السابق و أستاذ “هشام عطوه” رئيس الهيئة العامة لقصور الثقافة و مثلت مشاهد صغيرة في مسلسل “موسي” للنجم “محمد رمضان” و مسلسل “المشوار” و حالياً بقالي حوالي سنة بجهز لتصوير مسلسل من إخراجي .

ما هو طموحك ؟

أبقي مخرج معروف بوصل رسالة عن طريق الفن و ممثل شاطر بسيب علامة في قلوب المشاهدين لاني مش حابب أكون مجرد أراجوز بس الناس بتضحك عليه لا أنا عاوز أوصل من خلال فني كل رسالة ليها هدف و معنى واضح لأن أي حاجه بتتقدم من خلال الفن بتأثر في المشاهد بشكل كبير جداً و أنا عاوز أكون من الناس المؤثرة في حياة المشاهدين .

من هو قدوتك الفنية ؟ و تطمح في الوقوف أمام من ؟

الأستاذ الكبير “محمد صبحي” و أطمح في الوقوف أمام النجم الجميل “ماجد الكدواني” لأنه من المؤثرين في كل جمهوره و يقدم أعماله بكل صدق حتي يصبح واقع لا تمثيل ، و الفنان الجميل “يحيي الفخراني” و هنا سأقف قليلاً إحتراماً للتاريخ الفني الذي صنعه هذا العظيم .

و تحدث الفنان “مروان الجوكر” عن مسلسله الذي يقوم بإخراجه قائلاً “المسلسل اللي بعمله من اخراجي إسمه “سيبولنا فرصة” و كان السنة اللي فاتت و قبل ما أخلصه و قفت شغل فيه عشان مكنش بالمستوي اللي حابب الظهور بيه و إنه كان هيتعرض علي مواقع السوشيال ميديا و خلال الفترة اللي فاتت بدأت العمل عليه بمستوي أكبر و بإذن الله أوشكت علي الإنتهاء من الترتيبات الخاصة بيه و هيتم الإنتهاء من تصويره و هيتم عرضه السنه دي عن طريق القنوات التليفزيونية” .