النجم تامر حسني يقترح اقتراح يجعل مصر ليس بها مريض محتاج … تفاصيل

كتبت: مادونا عادل عدلي

استطاع الشعب المصري تحت قيادة الإعلامي الشاب حسين الجوهري وفريقه إنقاذ الطفلة رقية حيث قاموا بتجميع 40 مليون جنية ثمن حقنة لشفاءا الطفلة.

واستضاف اليوم الإعلامي خيري رمضان، الإعلامي الشاب حسين الجوهري ووجه حسين رسالة للنجم تامر حسني بأن يقف بجانبه هو والتيم الذي يحاول مساعدة المرضى

يا حسين يا حبيبي انا معاك و بدعمك و بدعم حملتك الإنسانيه الساميه و سلامي لصديقي و حبيبي استاذ خيري رمضان و عندي فكره اتمنى رعايتها و دعمها من اجل كل مريض فكره مش هتخلي مريض واحد في مصر يمد ايده لحد، لو مليون مصري اشترك فيها هنحل ازمة الامراض المكلفه في مصر كلها

مليون مصري بس من ال ١٢٠ مليون مصري هيتطوعوا على حساب معين للتبرع و هيكون في لجنه مسؤولة من جهه رسميه مسؤولة في الدوله بتقيم الحاله مادياً و المليون مشترك دول هيكونوا بيتبرعوا بشكل دائم كزكاة عنهم و عن اولادهم لخدمة مجتمع كامل و ممكن نسميها مثلاً صفحة المليون أخ

وتابع الفنان حديثه… “كل ما تظهر حاله محتاجه رقم صعب الصفحه هتدرسها و تعلن عن الحاله و و تكلفتها التبرع هيبقى في حدود من ٢٠ جنيه ل ٤٠ حسب الحاله بس ساعتها اول ما هنعلن هنجمع الفلوس في ثانيه لكل المحتاجين و كل المقتدرين اللي ربنا هينور قلوبهم و هيشتركوا في الحساب ده”

وتابع الفنان… “مش هيحسوا انهم دفعوا حاجه بس هينقذوا حياة اطفال كتير و ناس كتير محتاجه ،،، و مين عارف جايز الفكره دي تخلي مفيش ولا واحد مريض في مصر مش لاقي يتعالج و جايز المليون مشترك يكتروا ،،والله والله والله دي فكره بسيطه مش هتكلف حد بس هتخدم ناس كتير هتخدم بلد هتخدم كل المحتاجين و نخليهم ميمدوش ايديهم لحد يكسفهم ، ربنا خلقنا عشان نساعد بعض و زي ما علمنا رسولنا الكريم

واستكمل الفنان… “خير الناس انفعهم للناس يعني ربنا بيحب الناس اللي بتنفع الناس و اي صدقه بتخرج من اي حد مستحيل تنقص ماله بالعكس هيضاعفها ربنا في رزقه و هيكرمه و يطهره و يرفع عنه بيها يارب الفكره دي تتحقق”