بالبلدى يابتوع التحدي نداء لكل فنان وفنانة من الأعلامي أحمد رجب لفنانين الشو الإعلامي
بالبلدى يابتوع التحدي بهذه الكلمات وجه الإعلامي حديثه لكل نجوم الشو الإعلامي ، من الذين افتعلوا مبادرة التحدي بالتبرعات للغلابة ، واستشهد في حديثه بضباط الجيش والشرطة الذين ضحوا من أجل وطنهم في صمت وبدون بروبجندا كاذبة .
حيث كتب أحمد رجب على حسابه الشخصي على موقع التواصل الاجتماعى فيس بوك هذه الكلمات موجها اللوم على هؤلاء قائلا ..
“والنبي الأخت الفاضلة ومش هقول وصف ” النجمة “.. لأن ده وصف كبير يتقال علي الكبار فقط .. أما الأقزام المقرفين ولا استثني منهم أحد إلا عدد بسيط جدا جدا وعلي رأسهم أحمد السقا.
أما الباقي سواء الأخت الفاضلة الممثلة اللي قبلت التحدي والأخ أبو دوجلاس ثقيل الظل على شعب مصر كله ولا الست المطربة المسكينة العجوز اللي هي كمان قبلت التحدي رغم عجزها وضعفها .. دي بقالها ياجماعة سنين وسنين مستنية حد يجيلها عشان تحكيله عن اللي جري وتمسح دموعها في منديله من اللي جري !!
بالبلدى يابتوع التحدي.. تحدي إيه بس اللي هتعمله الست دي أنا مش فاهم !!
وبعدين هتتحدوا يبقى تقدموا ما يبرهن على ذلك طالما طلعتم واتكلمت.. لكن بصراحة شديدة الدور الذي قمتم به دور أشبه بدور النجم الكبير رحمه الله ممدوح عبدالعليم وهو دور رامي خشوع أو قشوع في الفيلم المصري الشهير بطل من ورق !!
أداء إعلامي صفر من عشرة لجمعية رسالة تحت شعار ” تحدي الخير ” الذي بيتحدي بجد ما بيقولش .. بينزل وبيتحدي بجد وبحق وحقيقي …
زي الشهداء الأبرار البواسل لواءات وجنرالات قواتنا المسلحة المصرية الباسلة
وزي زملائي أسود الداخلية من ضباط وامناء وجنود وعلي رأسهم السيد المحترم محمود توفيق وزير الداخلية الذي منذ توليه يتحدى في صمت بليغ .. وهو صمت الكبار !!
وقبلهم جميعٱ تحدي الأطباء البواسل حكماء مصر من أطباء وصيادلة وممرضين وممرضات ومديري مستشفيات ومعامل تحاليل ومراكز طبية متخصصة يواصلون الليل بالنهار من أجل التحدي اللي بجد !!
هما دول نجوم مصر اللي بجد .. هما دول فخر مصر اللي بجد .. هما دول رموز التحدي اللي بجد !! كل شوية أسمع مبادرة فلان ومبادرة علان ومعظمهم يجسد دور ” عبده مشتاق ” !!
صقر الإعلام يثور ويقول .. كورونا مش ترند يا أغبياء
كورونا كاااارثة وموت ينتظر الكل إن لم نسارع كلنا للتوبة إلى الله !! بلاش القفز على أوجاعنا والمتاجرة بمصيبتنا والشو الرخيص على حساب الغلابة !! كان ممكن المبادرة يبقي.. شكلها افضل لو كانت منطقية .. لو كان أبطالها هم بالفعل أبطال الواقع اللي بنعيشه الآن .
كان ممكن تنجح نجاح سااااحق لو كان أبطالها هم رجال القوات المسلحة والشرطة والأطباء لأن هما دول نجوم مصر الحقيقيين اللي قبلوا التحدي و استشهدوا من اجله ..
كان ممكن شعب مصر كله يبكي ويصدقكم لو كانوا أبطال المبادرة هما دول لكن منتهي الغباء والرعونة والعقم الإعلامي لأن النيه مش تمااااام !!
أحمد رجب .. ما هي لو كانت النية تمام كان ربنا نور بصيرتكم !!
والله لو كنتوا عملتوا كده كنا صدقنا من غير دليل ولا برهان لأننا صدقنا الأبطال دول لما شفناهم بعنينا وهما بيتحدوا الفيروس بجد وبيموتوا بجد !!
لكن طالما جبتوا اقزام وبتقولوا عليهم نجوم .. لأ وإيه .. بيقبلوا التحدي ومعظمهم لو عيل صغير شافهم في الشارع وقالهم فيروس كورونا أهو هيطلعوا يجروا وهينسوا أنه فيروس غير مرئي للعين المجردة !! .. اعتقد اكبر تحدي للأبطال اللي من ورق دول إنهم تحدوا بعض في الجيم أو في الجاكوزي أو السونة !!
وأختتم حديثه قائلا :
ارجوكم بلاش قرف وتمثيل عشان ده مش وقته !!قلت اكتب بالعامية … ف ” بتوع التحدي” لازم تكلمهم ب ( البلدي )
