بالصور .. ليلى علوى في ذكرى وفاة والدتها: “وحشتيني يا ستيلا”
عبرت الفنانة ليلى علوي عن حزنها لفراق والدتها في الذكرى الثالثة لوفاتها، بكلمات مؤثرة تسترجع بها ذكرياتها معها.
ونشرت علوي عددا من الصور القديمة التي تجمعها بوالدتها عبر حسابها الشخصي على موقع الصور والفيديوهات الشهير “أنستجرام”، معلقة: ” كل يوم بيعدي عليا وإنتي مش معايا ملوش طعم، كل فرح ونجاح وانتي مش جنبي ناقص، كل لحظة باشتاق فيها لحضنك ونصيحتك وقوتك ودعمك باضعف أكتر وباشتاقلك أكتر”.
وتابعت: ” من يوم ما مشيتي كبرت فجأة، وحسيت إني طفلة فجأة، كبرت لما بقيت لوحدي مضطرة أواجه الدنيا وأخلي بالي من نفسي وإبني وكل اللي حواليا واخد بالي من كل التفاصيل لوحدي.. وحسيت إني طفلة لما لقيت نفسي تايهة ومحتاجالك ونفسي بس اسمع صوتك ..سنة كاملة تانية مرت على فراقك وانتي لسه واحشاني ولسه محتاجالك يا أعظم أم ف الدنيا.. وحشتيني يا ستيلا”.
وتوفيت والدة ليلى علوي في 25 أغسطس 2017، وكانت الراحلة تعمل حتى قبل وفاتها بإذاعة البرنامج الأوروبي.
