بتر في اليد اليسرى وكسر في العمود الفقري .. شاب يحاول إنقاذ سيدة عجوز من عجلات القطار

هذا الشاب تمثلت فيه كل معاني التضحية والجدعنة فمنذ أيام قليلة سيدة تدعى زمزم هي وبنتها وقعت تحت القطر في محطة أسيوط وفضلت تصرخ إلحقني يابني ، إلحقني يابني .

قفز أحمد وهو يقول “متخافيش يا أمي” وانقذها فعلا
الناس وقتها قالت انه ابنها وضحى بنفسه علشان امه تخيل بقى أحمد مطلعش إبن الحاجة زمزم .
وتخيل أكتر مطلعش مصري .
أخونا وحبيبنا البطل الشهم الجدع ( أحمد المدثر ) من السودان ، وكان مسافر أسوان .

أحمد نط تحت القطر علشان ينقذ أم مصرية ميعرفهاش لمجرد إنها إستغاثت بيه ، حط جسمه حاجز بينها وبين القطر وقدر يطلع راسها من تحت القطر لكن للأسف الست أتعرضت لبتر في ساقها .

وأحمد فاق وحصله بتر في ذراعه الأيسر وكسر في العمود الفقري ولما سألوه قال “إن لو الموقف حصل تاني ، هيعمل اللي عمله تاني وتالت وعاشر لانه وقتها حس ان امه اللي بتناديه وبتطلب منه المساعدة وإنه إحتسب ذراعه لوجه الله” .

أحمد محجوز في المستشفي الجامعي بأسيوط ، الدور الرابع إصابات .