بدر صبري ينعي فني اضاءة السينما المصرية عم سرور
كتبت: مادونا عادل عدلي
نشر الفنان بدر صبري عبر حسابه الشخصي على موقع التواصل الاجتماعي فيسبوك صورة وعلق عليها قائلاً
كنت شغال في مكتب عم عماد درويش الله يرحمة، فني إضاءة وكنت لسه صغير في الشغلانة ودي كانت اصعب شغلانة في المجال، بس كنت حببها لأني كنت بشوف المخرجين والممثلين ودي كانت اكتر حاجة بحبها في الشغلانة
وتابع “وكنت بتعلم منهم كتير بس محدش كان عارف الموضوع ده وكنت بسمع كتير عن عم سرور طيبتة وجدعنتة مع الناس اللي شغالة معاه، وسعات كنت بروح احمل من عنده معدات من مساكن ابو الفتوح، وقول يارب اشوف الراجل ده، فاتت السنين وبدأت مشواري في التمثيل، وقابلت عم سرور، ورحت قولتله انا بدر كنت شغال مع الحج عماد الله يرحمة، رحب بيا جدا وقالي انت بتعمل ايه هنا، عاوز تنزل مع الرجالة قولتلة شرف ليا طبعا يا عم سرور .
بس انا شغال هنا ممثل، فضل يدعيلي، ويديني في نصايح كتير . وبعدها قابلتة في شغل كتير كان يشوفني وينادي عليا ويقولي، ولا ياأسطي ياممثل، الله يرحمك يا عم سرور.
