برلنتي فؤاد تكشف عن أعمالها الرمضانية وطقوسها في الشهر الكريم

إعداد وحوار/ دعاء نصر

 

برلنتي فؤاد ممثلة شابة طموحة ، خريجة بيزنس وادارة أعمال، بدايتها مع الفن كانت في فيلم روائي قصير اسمه أحلام ضائعة، بيتكلم عن الإدمان والعنوسة، ونال اعجاب الجمهور بعد عرضه في سينما الهناجر.

بعدها توالت ٱعمالها، ومثلت في فيلم أصول اللعبة وبحرية، اللي فازت بسببهم بلقب أحسن ممثلة، و حظها في الاذاعة كان رائع، عملت رمضان السابق  برنامج ٱذاعي بعنوان “رمضانك مع بيبو”، استضافت فيه كوكبة من نجوم الفن.

ما الأجواء الخاصة والطقوس التي تداوم عليها في  شهر رمضان الكريم؟

 الأجواء بيبقي زي اي حد طبعاً بنحضر للشهر الكريم ولمة العائله والاقارب والعزومات لأن ده شهر بستناه كل سنه بالفرحه والسعاده

برلنتي فؤاد ايه الشئ اللي كنتي بتحبيه في رمضان زمان افتقدته في رمضان دلوقتي ؟

الشي اللي كنت بحبه في رمضان  وافتقده هو بابا الله يرحمه وده شئ محزن بالنسبالي لأنه كان بيبقي موجود معانا

إيه أكتر أكلة بتحب تاكلها من وانت صغير أول يوم رمضان ؟ واكتر اكلة بالنسبالك بتميز رمضان ؟

بحب اكل اول يوم رمضان البط والكشك والمشويات والملوخية طبعا .واكتر اكله بتميز رمضان الكنافة والقطايف

أكتر حاجة في التلفزيون كانت بتحسسك  أن رمضان أما بتتفرج عليها ؟ وايه رأيك في اللي بيتقدم في رمضان دلوقتي ؟

اكتر حاجه كانت بتحسنني برمضان طبعاً الفوازير وبكار والكاميرا الخفيه وقصص الانبياء والشيخ الشعراوي حاجات كتير جدا  افتقدناه . 

رأي اللي بيتقدم في رمضان حاليا في تغير كبير جدا للأفضل وده ملحوظ بالاعمال اللي بتتقدم من رسالة هادفة للمجتمع

هنشوف برلنتى فؤاد فى ٱي عمل في رمضان المقبل؟

هتشوفوني في خيانة عهد  للنجمه يسرا بإذن لله إنتاج العدل جروب اخراج سامح عبد العزيز،  في دور اسراء الممرضه والمسلسل يوجد فيه احداث مشوقه

وهتشوفيني في مسلسل ولاد امبابه تأليف أيمن البكري انتاج عمرو ماندو وبلال صبري اخراج ممدوح ذكي.

في دور سواقي الفلاحة زوجة لطفي لبيب ودي الزوجة الاخيرة في إطار كوميدي لايت  لطفي لبيب والمسلسل كوميدي ملئ بالأحداث الكوميديا.

مسلسل قوت القلوب للنجمه ماجدة زكي و ده اتعرض على الحياة 

إخراج مجدي أبو عميرة.

تفتكر هيكون في تراويح ولمة  العيلة السنة دى ولا الوضع اللى احنا  في بسبب كورونا هيستمر ؟

اتمنى ان الازمة تعدي علي خير وتخلص و املنا في ربنا كبير ان المساجد تفتح من تاني ونصلي التراويح في المساجد و اننا نرجع نتلم تاني

تحب تقول أيه لمحبينك وللشعب المصري بمناسبة قدوم شهر رمضان؟

 احب اقول لمحبيبني شكراً علي محبتهم ليا وحب الناس عندي نعمة كبيرة ومن حبه ربه حبب فيه خلقه

تحية للشعب المصرى العظيم والرئيس عبد الفتاح السيسي رئيسى وافتخر وجيشنا العظيم والحكومة المصرية وربنا يحفظ مصر وشعبها وهتفضل امنه