بوسي شلبي تتعرض للهجوم من الفنانين بسبب تلقائيتها
كتبت: ابتسام السيد عبد الغفار
تعرضت المذيعة بوسي شلبي لهجوم من الفنانين والجمهور بسبب جملة قالتها بتلقائية ، أثناء لقائها مع أبطال فيلم “ريش” الحاصل على جوائز عالمية والذي يعرض في مهرجان الجونة السينمائي، عبرت عن رأيها عن الفيلم قائلة :
“أنا بقول عمر غير مصير ناس في الفيلم دة وفتح باب رزق لعيلة من المنيا مكنتش تقدر توصل للمكان اللي احنا فيه.”
تعليقات الفنانين على رأيها عن الفيلم:
قال حسني شتا عبر حسابه الشخصي على تويتر:
“كفايه عك وقرف بقي وعنصرية وعنهجيه، مذيعة ايه وإعلامية ايه بس، ايه العبث اللي احنا فيه ده ، بوسي هانم انتي فعلا مينفعش تكوني ولا تحلمي تكوني مذيعه لسبب واحد انك معدومة الإنسانية.”
وقال الفنان محمد عبد العظيم:
عبر حسابه الشخصي على “فيسبوك” سنة 2018 كنت لابس بدلة شيك من btm ب3000 جنيه عليها تخفيض كبير، وكنت مستحمي وحالق دقني وواحد من ابطال الفيلم والهانم رفضت تعمل لقاء معايا علشان متعرفش مين دة ولما قالولها دة من ابطال الفيلم بصتلي من فوق لتحت وقالت لا برضو.”
والفنانة سارة نخلة التي عبرت عن رأيها من خلال صفحتها الشخصية على “فيسبوك”
وقالت: “الله يرحمه بس لغاية اللحظة دي بتشتغلي على حسه بجد الله يرحمه لو شافك بتتعاملي ازاي كان أول واحد هاجمك”
وتابعت قائلة: “متنمرة قليلة الأدب والإعلام برئ من مذيعة زيك مش عارفة بتشتغل ايه وليه، لا شكل ولا منطق ولا ذوق ومكروهة، في قلة ادب بتحصل ولو كانت وحدة جديدة طالعة كنتو كلكو عملتوا عليها حفلة بس طبعاً دي لا محدش يقدر يقولها حاجة علشان وراها شلة مشغلاها.”
الفنان نور محمود عبر عن رأيه فيما حدث من خلال صفحته الشخصية على “فيسبوك” وأعاد نشر جملتها الشهيرة وقال “دة كلام الاعلامية وانا اسف اني بنسبها للإعلام عن ابطال فيلم ريش منتهى السفاهة والاستعلاء وقلة الذوق والأدب.”
وهاجمتها واحده من الجمهور قائلة :
“لو في جايزة لاحقر بني ادم بشكل عام المفروض تتكتب باسم بوسي شلبي مش بس بني ادمة زيرو تالنت زيرو حضور زيرو ذوق، زيرو أي إنجاز بشري لا دي مريضة نفسيًا وبتشع حقد وشر وبرضة مفروضة علينا في كل حته، حسبي الله.”
