بيخلف وعده .. بقلم / الشاعرة عبير عبد السلام

كنت اتمني العيشة ف حضنه
زي ما كان بيقول لي زمان
بس لقيته بـيخلف وعده
وما حسيتش معاه بأمان
مثّـل دوره عليا كويس
كان غشاش وخسيس وجبان
علق قلبي بوهمه وكدبه
وطلـع فعـلا مش إنسان
إزاي كنت غبية وسازجة
مش حاسه اني معاك بتهان
علق قلبي بـ حبال دايبه
لما وقعت كمان وكمان
بقى يتمسكن لما اتمكن
وغدر بيـا كمــا التعبان
ما رحمنيش ولا قدر ضعفي
ودمع عيوني في كل مكان
عذب قلبي وروحي وعقلي
عيَّشني في هجر وحرمان
عمري ما هغفر ليه ولا هنسي
إني عشقته كمــا الادمان
ليه يكسرني وسهل يبيعني
هو أنا طالبه يا ناس إحسان
بعد ما كان حُـبه بــيحييني
صبحت سيرته جروح وهوان