بيومي فؤاد لـ برنامج “أنا والقناع” : أخري رمضان ده.. مش هقدر

حل الفنان بيومي فؤاد ضيفاً على برنامج “أنا والقناع” والذي تقدمه الإعلامية منى عبدالوهاب ويعرض على قناة “CBC”.

وكشف بيومي العديد من الكواليس والأسرار المتعلقة بحياته الشخصية والمهنية، وعن تعاوناته مع عدد من أبرز نجوم السينما والدراما التليفزيونية بأعماله، إلى جانب علاقته بالمنتج أحمد السبكي وخلافه مع شقيقه محمد السبكي، كما تحدث بيومي عن مشاريعه الفنية خلال الفترة المقبلة، وعن المضايقات التي تعرض لها خلال الفترة الأخيرة نظراً لانتشاره بكثافة بكافة الأعمال الفنية. 

وأوضح بيومي خلال حواره بالبرنامج “هذا الكلام حصري.. انا وعدت كتير جداً بأني لا مش هشتغل كتير كده، أخري رمضان ده وما بعد عيد الفطر لا مفيش الكم ده، كل الناس اللي قالت إن بيومي فؤاد عشان ظهر وسنه كبير بيعوض اللي فاتوا، ده كلام محترم ولكن ليس حقيقي، والناس اللي بتقول بيومي حوش فلوس لعياله عشان مش هيقعد كتير ده كلام منطقي برضه بس مش حقيقي”.

واستكمل بيومي حديثه متأثرا: “أنا راجل بحب الشغل نسباً لأبويا رحمة الله عليه، أنا راجل بقول في صلاتي وأنا بسجد ربنا يكفينا شر قعدة البيت، و 80% من شغل بيومي فؤاد في سنة “كسوف” وأحيانا كتير جداً اشتغل في أعمال مكتوب لها الفشل في جميع الجوانب وببقى عارف، وربنا بينقذني عشان النية في كافة شيء والنية في إني بفرح بزمايلي”.

ويشارك بيومي النجمة يسرا بطولة مسلسلها “1000 حمدالله على السلامة” والذي يعرض ضمن موسم رمضان لهذا العام.