تامر حسني يطلق مبادرة “المليون أخ” لمساعدة مرضى ضمور العضلات

كتبت: سناء عطية

أطلق النجم “تامر حسني” مبادرة “المليون أخ” وهي مبادرة إنسانية لعلاج المرضى لغير قادرين، حيث طلب منه حسين الجوهري أن يكون داعم لمزاد علاج مرضى ضمور العضلات.

ونشر “تامر” عبر حسابه الرسمي بموقع التواصل الاجتماعي فيسبوك، فيديو لحسين الجوهري خلال لقاء له على قناة القاهرة والناس، وعلق قائلًا: “ياحسين ياحبيبي أنا معاك وبدعمك وبدعم حملتك الإنسانية السامية وعندي فكرة أتمنى رعايتها ودعمها من أجل كل مريض فكرة مش هتخلي مريض واحد في مصر يمد إيده لحد”.

وأوضح فكرته قائلًا: “لو مليون مصري اشترك فيها هنحل أزمة الأمراض المكلفة في مصر كلها مليون مصري بس من الـ 120 مليون هيتطوعوا على حساب معين للتبرع وهيكون في لجنة مسؤولة من جهة رسمية مسؤولة في الدولة بتقييم الحالة ماديًا”.

وتابع “والمليون مشترك دول هيكونوا بيتبرعوا بشكل دائم كذكاة عنهم وعن أولادهم لخدمة مجتمع كامل وممكن نسميها مثلًا صفحة المليون أخ وتكلفتها للتبرع هيبقى في حدود من 20 جنيه لـ 40 جنيه حسب الحالة”.

وأضاف: “والله دي فكرة بسيطة مش هتكلف حد بس هتخدم ناس كثير هتخدم بلد هتخدم كل المحتاجين وتخليهم ما يمدوش إيديهم لحد ربنا خلقنا عشان نساعد بعض وزي ما علمنا رسولنا الكريم خير الناس أنفعهم للناس ويارب الفكرة دي تتحقق”.