تصريحات ريكاردو سواريش خلال المؤتمر الصحفي لمباراة الأهلي والجونه
كتب/ محمد فضل
بشكر اللاعبين كانت أيام صعبة بالنسبة لنا الفترة الأخيرة بس طبعا زي ما كان واضح النهاردة في المباراة اللاعبين بيلعبوا في ظروف قاسية جداً بالنسبة لهم
اللي حط برنامج المباريات ومواعيدها ياريت يكون عرف ازاي يحط مواعيد
النهارده ٣ إصابات مين يتحمل الإصابات دي انا اتحمل الخسارة أمام بيراميدز والزمالك ولكن مين يتحمل ضغط المباريات والاصابات
اللي حط مواعيد المباراة ياريت يعرف انه بيعامل بشر وأن اللعيبة مش قادره
بصراحه انا معملتش تمارين لحد دلوقتي انا بدخل اللعيبة جاكوزي واستشفاء للحفاظ عليهم
لازم ادافع عن اللاعبين في الفريق لأن اللي بيحصل ده يفوق تحمل الجنس البشري
من أول يوم ليا هنا اتكلمت على احتمالية وجود إصابات وارهاق بسبب الضغط
المباريات القادمة هناك خطورة أن يكون هناك إصابات أخرى ونسبة ذلك عالية جداً
الأهلي نادي كبير والجميع على علم بذلك .. هنا أما الفوز أو الفوز ولابد أن يكون الجميع لديه نفس الدافع
خسرنا لقب مهم ولكن أمامنا منافسة أخرى على لقب آخر ونعمل على الفوز به
لا توجد أي فرصة لأي تغير .. لا نمتلك لاعبين أطراف الجميع مصاب ونمتلك مهاجم وحيد أيضاً.. لابد أن نقاتل نحن الأهلي
اللي يهمني دلوقتي أعمل استشفاء على أد ما نقدر للاعبين لتجهيزهم للمباريات الجاية
جدولنا صعب ومضغوط واللي حاطط الجدول ضاغط كل الأندية على الرغم أن المنافسة في مصر مشتعلة
مفيش في أي مكان في الدنيا اللي بيحصل في الدوري هنا ومنتخب مصر تأثر جداً باللي بيحصل
أتقبل كل الانتقادات وأنا المسؤول عن كل شيء ولكن لازم برده نبص على جدول المباريات والمسؤول عن الجدول يعرفنا السبب
مباراة المقاصة بعد ٣ أيام وكل الدوافع موجودة للفوز وهبدأ المباراة بأفضل اللاعبين المتاحين لا توجد أي فرصة لأي جديد
انا مببصش على السن وكل اللاعبين عندي واحد من بداية ١٨ سنة لـ ٣٨ سنة هو لاعب في الفريق
اللي هياخد المباريات هو اللي هيكون مميز في التدريبات وهو ده المقياس عندي مش مقياس السن
النادي اللي كنت فيه قبل ما اجي الأهلي لعبت بـ اكتر من ٨ لاعبين تحت ٢٢ لأن مستواهم يسمحلهم باللعب للفريق الأول
اللي يلعب في الأهلي لازم يكون على قدر المسؤولية ومستوى النادي الأكبر في مصر وافريقيا
غيرنا اسلوب اللعب عشان مكنش فيه عندنا وقت نقدر نشتغل مع اللعيبة
لعبنا بالاظهره انهم يلعبوا على الخط كامل ومدافعين كويسين وخط الوسط لعبت بأفضل اللعيبة عندي ودي حسب الإمكانيات المتاحة ادامي دلوقتي
الشوط الأول الأمور مكنتش كويسة معانا خاصةً على الجانب الهجومي وانا المسؤول أننا نقدم شوط ضعيف
بين الشوطين اتكلمنا وحاولت أهدي اللاعبين وارجعلهم الثقة وبفضل اللاعبين دخلنا الشوط الثاني وقدمنا شوط أفضل من الشوط الأول وسجلنا هدفين ولكن في ظل الظروف الحالية الأمور صعبة
أوجه كلمة إلى الجماهير التي تدعمنا بقوة .. احنا مش مستريحين باللي بنقدمه ولكن صعب نقدم أفضل في الظروف الحالية وضغط المباريات
