تعيش يا جرح وتعلمني .. بقلم / حمادة العسكري
تعيش ياجرح وتعلمني
عارف على قد ماانت ألمني
على قد ماخليت قلبي يشوف
حقيقة القريبين مني
تعيش ياجرح وتفوقني
لو العشم خدني بتلحقني
عارف على قد ماانت خانقني
بتبعد الكدابين عني
زحمة أسامي وكله فاشوش
مداريين خلف الوشوش
الوش بيضحك آه وبشوش
والقلب غامق آه وبهتان
لمه زايفه بدون مفعول
عشره كدب مصير مجهول
الفعل تملي عكس القول
مفيش بربع جنيه سلكان
شكرا ياجرح قوتني
الصدمه ايوا خلتني
لا عندي عزيز ولا غالي
كتر القسوه قستني
مابقتش حاجه تفرقلي
تغمق كده ولا تروقلي
بشوف الناس بعين عقلي
كفايه الطيبه دي أذتني
زحمة أسامي وكله فاشوش
مداريين خلف الوشوش
الوش بيضحك آه وبشوش
والقلب غامق آه وبهتان
لمه زايفه بدون مفعول
عشره كدب مصير مجهول
الفعل تملي عكس القول
مفيش بربع جنيه سلكان
