تفاصيل الحلقة 11 من مسلسل سيد الناس وكشف الحقيقة 

كتبت / مادونا عادل عدلي 

الجارحي بيستدعي سناء عنده في الورشه واول لما بيشوفها بيقول لها شايفاني دايخ وبلف حوالين نفسي ومش عايزه تريحيني ليه يا سناء 

وهي بتفهم انه فهم ان هي تبقى امه وبترد عليه وبتقول له غصب عني ما كنتش اقدر اقول

والجارحي بيقول لها ليه ما كنتش تقدري تقولي ليه انا عايز اعرف كل حاجه ايه اللي دخلك فيه مواضيع ابويا زكريا لما قال لي اسال سناء وان ابوك ما كانش بيكلم حد الا من على تليفونها ما بقتش مصدق قلت ليه ما بتقوليش

وبعد كده هي بتاخد بالها انه يقصد حاجه ثانيه وهي بتقول له اصل انا ما اعرفش حاجه هم كام مره كده اللي المعلم رشدي اتكلم من على تليفوني وبعدين انا مين يعني علشان المعلم رشدي يعرفني حاجه عن شغله

والجارحي بيقول لها بلاش لوع و لئم بقى انت تعرفي برهان باشا صح

وسناء بتقول له انا ما اعرفش اي حاجه عن الاسماء اللي انت بتقولها ديت هو زي ما انا قلت لك كده المعلم رشدي خد تليفوني عمل منه كم مكالمه انا ما اعرفش اكلم مين ولا اي تفاصيل عن شغله وبعد كده الجارحي بيطلب تليفونها 

واول لما بياخد تليفونها منها وبيكتب فيه البحث بتاع المكالمات برهان بيظهر له حوالي 4 ارقام لبرهان باشا السوداني

وبعد كده الجرح بيقول لها ما تعرفيهوش وتليفونك متسجل عليه رقمه 2 مصري واثنين سوداني هو في ايه بالظبط. 

وسناء بتقول له ما اعرفش يمكن المعلم رشدي خد التليفون وهو بيتكلم وسجل الرقم وبعد كده الجرحي بيكتب اسم محسن ضاحي وبيلاقي ارقامه متسجل برضو 

انتي من طريق وانا من طريق

ادهم بيدخل على مياده من غير ما يتكلم وهي بتقول له يعني ما سلمتش عليا حتى وادهم بيقول لها ابوك يصغر ابويا وصغرني قال لي خلي ابوك يجي يتقدم لي وانا عملت كده وابويا جه وهو رفضه على الرغم ان انا مش قليل انا لو خبطت على اي باب في السبتيه هيدبحوا لي الف دبيحه علشان هيناسبوا ابن الجارحي ابو العباس

بس انت ابوك ما بيفهمش في الاصول يا مياده

ومياده بتقول له يعني انت هتاخدني بذنب ابويا وادهم بيقول لها ايوه يا مياده هاخدك في ذنب ابوكي علشان كل واحد فينا مربوط باهله بسلسله

ومياده بتقول له ما تسيبنيش يا ادهم 

وادهم بيقول لها انت غاليه عندي يا مياده بس مش اغلى من كرامتي ولا كرامه ابويا بس انا لو ما سبتكيش هبقى قليل وانا ما رضاش ان ابوكي يناسب حد قليل، انت من طريق وانا من طريق

عليا كانت مع ساره مرات مجدي في البيوتي سنتر بتاعها وفجاه جالها النزيف ونقلوها المستشفى وبعد كده بنعرف ان الجنين نزل

رؤوف رحلها المستشفى وبيقول لها ايه اللي حصل وهي بتقول له الجنين نزل يا رؤوف وهو بيقول لها عادي وايه المشكله نجيب غيره ولا اقول لك بلاش خالص انت عندي بالدنيا كلها وهي بتقول له بس انا عايز اخلف ويكون عندي اولاد طب هو بيقول لها هتخلفي ان شاء الله بس انت قومي بالسلامة