تفاصيل انتحار نور الدين داخل شركة أجنبية أثناء العمل.

تداول نشطاء على مواقع التواصل الاجتماعي فيسبوك منشورات وأخبار عن إنتحار شاب يعمل كول سنتر باحدي الشركات الأمريكية داخل احد فروعها بمصر معللين سبب الانتحار لتعرض الشاب نور الدين الي تعسف من مديره المباشر بالعمل 

وظهر ايضا فديو لشابة تدعي رشا البغدادي تعمل داخل الشركة وتروي تفاصيل انتحار الشاب وتقول انها كانت بجوار الشاب المنتحر وهو يتلفظ اخر أنفاسه مطالبة بحق نور الدين

وكانت المنشورات المتداولة علي اغلب صفحات التواصل الاجتماعي تحمل هذا الكلام عبر منشورات بكل الصفحات وكانت نص الكلام كالتالي

تفاصيل انتحار / نور الدين .
موظف شركة تيليبيرفومانس مصر .
ودي شركة كول سنتر مالتي ناشونال .

نور تم استدعاؤه الاسبوع الماضي من طرف مديره المدعو / محمد سامح عبدالكريم ، وابلاغه بخصم اربع ايام من مرتبه ، لانه بيدخل الحمام كتير ، وده لظروف نور الصحيه .

واتكلم مع نور بطريقة مهينة جدا ، وكان في تعمد لاجبار نور علي الاستقاله من طرف مستر محمد.
وللاسف نور كان مضطر يستحمل يقعد الفتره دي ، لانه هيقبض البونص بتاعه في شهر فبراير اللي جاي .
لكن محمد باشا صمم يرفد نور قبل ما السنه تقفل ، ويحرمه من البونص .
نور كان عامل حسابه علي المبلغ ده في سداد ديون عليه كتير .

وده اللي حصل بينهم ، وتم ابلاغ نور بقرار الرفد ( اللي انا متاكد انه هيختفي من الورق دلوقتي علشان سمعة الشركه ).

نور ماستحملش ونفسيته كانت منهاره ، ومش قادر يواجه مراته واطفاله ، واسودت الدنيا في عنيه ،وقرر ينتحر بانه رمي نفسه من الدور التالت في الشركه ومات.
دي التفاصيل اللي موظفين الشركه خايفين يتكلموا فيها او ينشروها .
..
الاستاذ محمد سامح عبد الكريم ، حضرتك كنت السبب المباشر في انتحار نور ، انا لسه معرفش عنك حاجه، بس بوعد حضرتك ، ان صورتك هتكون منوره في كل صفحات مصر بعد شويه .
…
تحديث تم التواصل مع الشركه الأم في امريكا ، وتمت الرد عليا شخصياً ، وهم الآن علي درايه بالموضوع ، وتم تزويدهم بكل التفاصيل الخاصة بالموضوع، وجاري المتابعه معاهم .
#حق_نورالدين
#منقول