“تك تك قلبي”.. وائل كفوري يشعل القلوب بأغنيته الجديدة ويثير الجدل بصورة زفاف غامضة

أطلق النجم اللبناني وائل كفوري ثاني أغنيات ألبومه المنتظر “WK25” بعنوان “تك تك قلبي”، والتي حملت مزيجًا من الرومانسية والعذوبة، ونجح من خلالها في أسر قلوب جمهوره من اللحظة الأولى.

الأغنية من كلمات منير بو عساف، وألحان وتوزيع بلال الزين، وميكس وماسترينغ علي رمضان، وتم طرحها رسميًا عبر قناة وائل كفوري على يوتيوب، والمنصات الموسيقية، ومحطات الراديو، وهي من إنتاجه الخاص، وتنفيذ شركة And Beyond، وتوزيع Digital Sound.

وواصل كفوري إثارة الجدل والتشويق على السوشيال ميديا، بعدما نشر صورة ظهر فيها ببدلة زفاف أنيقة إلى جانب فتاة ترتدي فستانًا أبيض، دون الكشف عن ملامحها، وكتب تعليقًا غامضًا قال فيه: “شريط الزفاف قريبًا”، ما دفع الجمهور للتساؤل: هل تزوج وائل كفوري بالفعل، أم أن الصورة ضمن كليب جديد؟

وكان وائل كفوري قد طرح منذ أيام أولى أغنيات ألبومه بعنوان “بدي غيّر فيكي العالم”، التي حققت نجاحًا واسعًا، وهي من كلمات إميل فهد، وألحان جيهاد حدشيتي، وتوزيع روني باراك، وميكس وماسترينغ علي رمضان.

وتاليًا، كلمات أغنية “تك تك قلبي” كما وردت في الإصدار الرسمي:

🎵 كلمات أغنية “تك تك قلبي” 🎵

قلتلّا بحبّك وطلبت إيدا
وإذا وافقتي منتجوّز بكرا
قالتلي طول بالك ما تزيدا
خلّيني فكّر واعطيني فترة

ومن وقتا ناطر هالساعة
وعم راقب تَكّات الساعة
تك تك تك تك تك تك تك
تك تك قلبي من النظرة

قلتلّا لمّا بتصيري بيتي
رح خلّي سنينك مليانة فرحة
وأعطيكي عمري لولا حبيّتي
ولّون إيامك من لون الطَّرحة

قالتلي خلّيها لوقتا
وافقتا و عطيتا وقتا
وتك تك تك تك تك تك تك
تك تك قلبي من النظرة

قلتلّا شوفي كيف قلبي دايب
مش قادر أنطر رح موت عليكي
قلتلّا شوفي كيف قلبي دايب
ليكي شو عملو فيي عينيكي

قالتلي ما بخبي عنَّك
ملهوفي أنا أكتر منَّك
وتك تك تك تك تك تك تك تك
تك تك قلبي من النطرة

قلتلّا بحبّك وطلبت إيدا
وإذا وافقتي منتجوّز بكرا
قالتلي طول بالك ما تزيدا
خلّيني فكّر واعطيني فترة

ومن وقتا ناطر هالساعة
وعم راقب تَكّات الساعة
تك تك تك تك تك تك تك
تك تك قلبي من النظرة