حسام الجندي لـ جريدة عالم النجوم لسه مقدمتش 10٪ من اللى عندى
كتب: ايثر عمرو
كشف الفنان حسام الجندي عن دوره فى إلا أنا حيث كان اختياره من قبل أمين جمال و المخرج محمد بكير و أكد أنهم الإثنان اتفقوا عليه و أعطوا له الدور الذى يعد له دور يعتز به .
و قد أعرب حسام الجندي عن مدى حبه لـ جميع أدواره و أنه يحاول أن يتقن اختياره للأدوار بداية من فارس الرومانسية فى عام 2000 وآخرهم مسلسل سلسال الدم بأجزاءه و القاصرات و فيلم يوم العرض وأسود فاتح كما أضاف قائلاً : ” كل دور بعمله بحبه و ببقى عايز أحط فيه بصمة كويسة ليا ” .
أشار حسام إلى السوشيال ميديا مهمة بالنسبة لأصحاب السوشيال لأن جمهوره يجب أن تكون على اتصال معه و لذلك أحاول أن أكون على اتصال معهم لاسيما بعض المنتجين يحسبونها بالـ (follow) كما أن الحسب اختلفت عن زمان لكن نقد الشارع مختلف تماماً عن السوشيال ، أضاف قائلاً: “على سبيل المثال ” سلسال الدم” جمهوره لا يمكن أتخيله من كتره لما بروح اى مكان او اقاليم و دا ملوش علاقة بالسوشيال لأن أغلب أعمال mbc مش معتمدة عليه و لكن هو مهم طبعاً للفنان “.
و من جانب آخر واجه حسام الجندي كثير من الصعوبات حيث أنه بدأ تمثيل من سنة 2000 أى بمثابة 21 سنة تمثيل بالإضافة 3 سنوات سعى قبل التمثيل لكى يصل لشئ و أردف “كل دور كان سند ليا لكن انا لسه معملتش حاجة و لسه مقدمتش 10٪ من اللى عندى و إن شاء الله الأدوار الجاية بحبها أكتر أنا حاسس انى فى مرحلة جديدة ونقلة نوعية في الشكل و الأداء، أنا بعتبر نفسى من الناس اللى شوية مش محظوظة.
تعبت كتير فى حياتى و فى كل دور جالى و عملته ببقى مستنى رد فعل الجمهور و كان عندى تفاصيل مش سهلة بالنسبة ليا و خصوصاً انى معملتش دور أى كلام و معروف عنى انى ممثل مستقل مش محسوب على شلة ولا شركة و لكن بشتغل عشان حسام ممثل كويس و الدليل على كدا إن تاريخى و أقدر أقول تاريخى دلوقتي كلها أعمال كانت ناجحة و أدوراها كويسة و واجهت حاجات صعبة كتير و بالأخص أنها كانت بتأثر كتير على حياتى الشخصية”.
صرح حسام الجندي بأن أمامه ورق يقرأه حالياً و لكن ليس مستقر عليها بالإضافة إلى مسرحية” الحدث” سيتم عرضها فى مسرح الشباب من تأليف متولى حامد وإخراج أيمن مصطفى.
