حسن حسني في ذكرى وفاته الثانية.. “في أفلام عملتها علشان الفلوس بس”
تقرير: ثريا الصاوي
تحل علينا ذكرى وفاة الفنان القدير حسن حسني الثانية والذي رحل عن عالمنا في مثل هذا اليوم، وفي إحدى لقاءاته التلفزيونية في برنامج “ثلاثي أضواء الحياة” والمذاع على قناة الحياة، وتحدث عن ندمه الشديد من مشاركته في بعض الأعمال الفنية، وقبوله بعض الأدوار بسبب حاجته إلى المال في ذلك الوقت.
وقال الفنان حسن حسني من خلال هذا اللقاء: “في أفلام عملتها عشان الفلوس بس، عشان أنا قعدت في البيت شوية، ومكنتش أحب أعد، جالي سيناريو اعتذرت، وجالي واحد تاني اعتذرت برضو، ولما جالي التالت كنت مفلس خالص فقبلته، طلع أنيل من الأول والتاني اللي أنا اعتذرت عنهم ولكن كنت محتاج أعمله”
وتابع: “في الأول كنا محتاجين الانتشار سواء فيديو بقا أفلام مسلسلات كله، وأنا جه عليا وقت كنت أشتغل فيديو طول اليوم، ومسرح بليل، ساعات أبقى مركب دقن وبعمل حدث تاريخي، وراجع بليل على المسرح وأنا خلصان”.
وأضاف حسني: “أقول ياه لو الحرب العالمية التالتة تقوم، لو أروح ألاقي إجازة في المسرح وأنا خلصان، لكن المسرح ورهبته حاجة رهيبة، كنت لما أدخل المسرح خلاص بنسى التعب وأنسى الإرهاق اللي كنت حاسس بيه وأنا سايق ورايح عليه”.
والجدير بالذكر أن توفى الفنان حسن حسني 30 مايو عام 2020، إثر تعرضه لأزمة قلبية مفاجئة داخل أحد المستشفيات، عن عمر يناهز الـ 83 عامًا، تاركًا وراءه إرثًا فنيًا ضخمًا.
