حسن شاكوش بعد حصوله على كارنيه نقابة المهن الموسيقية “جاهزين للشغل”
كتبت: ثريا الصاوي
حصل مطرب المهرجانات حسن شاكوش كارنيه نقابة المهن الموسيقية، وفي وقت سابق أصدر النقيب هاني شاكر قرار في 5 سبتمبر الماضي، إلغاء تصريح غناء حسن شاكوش له لأجل غير مسمى.
نشر حسن شاكوش، عبر حسابه الرسمي بموقع فيس بوك صورة له من داخل نقابة المهن الموسيقية، وعلق: “الحمد لله استلمت كارنيه النقابة.. جاهزين للشغل”.
ويذكر أن نقيب الموسيقيين هانى شاكر ومجلس النقابة قد أصدر قرار بوقف حسن شاكوش سحب ترخيصه نهائي، وعلق حسن شاكوش قائلاً: “أنا موقوف عشان مشكلتى مع رضا البحراوى، و تراضينا، ورحنا النقابة، واتوقف هو شهرين وأنا اتوقفت لأجل غير مسمى”.
وتابع: “أنا بقول للناس أنا عمري ما اغلط فى أى عازف ولا عمرى ما أغلط فى أى طبال ولا أى بتاع مزيكا، لانهم اخواتنا وحبايبنا، انا عامل اللايف ده علشان اوضح وجه النظر، دى أول غلط ليا من ساعة ما دخلت المجال”.
وأضاف شاكوش: “انا ورضا وفرقة رضا البحراوي اخوات وحبايب، أنا اشتغلت مع فرقة رضا أكتر من 10 مرات وهما أخواتى واسألوهم، وعمري ما زعلت حد من الفرق الموسيقية، و ليهم كل الاحترام والتقدير، أنا بتأسف لكل الفرق الموسيقية والطبالين والعازفين”.
والجدير بالذكر أنه اختتم كلامه: “نقابة المهن الموسيقية على راسنا من فوق، وأى قرار على راسنا من فوق وانا راضى بيه وكل خيره وفيها تأخيره إن شاء الله”.
