حسن عيد عن أعماله القادمة وطقوسه الرمضانية في حوار خاص

 

إعداد وحوار/ دعاء نصر 

حسن عيد فنان شاب طموح يسعى دائما إلى طريق النضج الفنى لما يمتاز به من موهبة وإتقان في تجسيد أي شخصية يؤديها ، وهو بالفعل أثبت وجوده وسط مجموعة كبيرة من الفنانين الشباب الموجودين على الساحة الفنية ، قدم مجموعة كبيرة من الأعمال الناجحة من أبرزها “آدم وجميلة”، “عمارة رشدى”، مسلسل “يونس ولد فضة”، فيلم “أسد سيناء”، “فرح العمدة”، مسلسل “شطرنج”، مسلسل “الحلال” ، الزوجة 18 .

ما الأجواء الخاصة والطقوس التي تداوم عليها في شهر رمضان الكريم؟

والله شهر رمضان بقضية مثلا جيم ومع العيلة لو ماخلصتش تصوير بنكمل تصوير برضه قبل الفطار او بعد الفطار ما بين صلاة بقي والأهل والسنة دي هيكون في البيت اكتر وقت بسبب الأحداث اللي احنا فيها والكورونا وكده.

ايه الشئ اللي كنتي بتحبيه في رمضان زمان افتقدته في رمضان دلوقتي ؟

والله طبعا انا مش هقارن بين رمضان زمان و رمضان دلوقتي لان رمضان زمان مايتعوضش ، كل حاجة لمة العيلة كلها في اول يوم حتي التليفزيون كان بيبقى فيه حاجات قديمة احنا اتعودنا عليها ، الكارتون ، وبوجي وطمطم وعمو فؤاد وجدو عبده ، بيجي مثلا الفوازير الحاجات دي كلها مبقناش بنشوفها دلوقتي دلوقتي بنستنى المسلسلات وخلاص

إيه أكتر أكلة بتحب تاكلها من وانت صغير أول يوم رمضان ؟ واكتر اكلة بالنسبالك بتميز رمضان ؟

والله انا بصي بحب مثلا الطبيخ بشكل معين ، الحمام ، السي فود ، الحاجات هي دي اللي انا بحبها. وطبعا الحاجات دي لتكون أول يوم رمضان حسب بقي ما احنا ميولنا لاول يوم رمضان ممكن ناكل ايه.

أكتر حاجة في التلفزيون كانت بتحسسك أن رمضان أما بتتفرج عليها ؟ وايه رأيك في اللي بيتقدم في رمضان دلوقتي ؟

طبعا الحاجات اللي بتحسسني ان رمضان كل الحاجات اللي طبعا في السؤال التاني اللي انا جاوبته فهو ده نفس الإجابة يعني.

هنشوف الفنان حسن عيد في أيه في رمضان السنادي ؟

بأذن الله هتشوفوني في مسلسل شاهد عيان بعمل فيه ضيف شرف كده مع حسن الرداد تأليف أحمد مجدي و اخراج الاستاذ محمد عبد الرحمن حماقي وان شاء الله بعد العيد هيبقي في مسلسل هيفاء وهبي اسود فاتح اللي هو اتاجل السنة دي ما نزلش في رمضان بسبب الظروف والكورونا اللي احنا فيها.

تفتكر هيكون في تراويح ولمة العيلة السنة دى ولا الوضع اللى احنا في بسبب كورونا هيستمر ؟

طبعا ما اعتقدش ان السنة دي هيبقى في برضه عزومات كتيرة اكيد لو في عزومات هتبقي بعدد محدود. او كل واحد واخد باله. او واحد احتياطاته زيادة عن اللزوم. مفيش سلام. مفيش بوس. التراويح ممكن بقترح طبعا ان يبقى في المساجد الكبيرة على باب كل مسجد يبقي في كابينة اللي هي بتاعة التعقيم زائد ان المسجد كل يوم يتعقم بالحيطان بالحاجات دي كل ده ما اطنش ان مش هيكون في صلاة تراويح لو اتعمل الحاجات دي يعني.

مي عيد تحب تقول أيه لمحبينك وللشعب المصري بمناسبة قدوم شهر رمضان؟

بحب اقول لمحبيني وللشعب المصري ان شاء الله غمة وهتزول و هنقدر ان احنا نعديها على خير. وان شاء الله كل سنة وأنتم طيبين و هيبقي رمضان شهر كريم علينا كلنا كله خير وصحة وسعادة.