حقيقة هجوم أحمد أدم على النجم تامر حسني
كتبت : مادونا عادل عدلي
حدث هجوم شديد من الفنان أحمد آدم على النجم تامر حسني وأعماله الفنية سواء الغنائية أو السينمائية.
وقال أحمد آدم في خلال برنامجه “آدم شو” المذاع على شاشة قناة “الحياة”: “تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبّل للبنات”
وتابع: وبيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشه جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، معقولة؟ إيه اللي يجيبه لأنور وجدي دا؟ أنت مغني ولا كوميديان ولا مونولوجيست ولا إيه بالظبط؟ كفاية عليك كدا يا تامر.
الحكاية بالتفاصيل
كشف الفنان أحمد آدم عن رأيه في ظاهرة التريند حيث أكد أن أي هجوم سلبي أو شتيمة لأي شخصية عامة تحول صاحبها إلى تريند على مواقع التواصل الاجتماعي.
وأضاف في برنامجه بني آدم شو على قناة الحياة: «تعالوا نلعب لعبة، ونقدم مقطعين فيديو واحد إيجابي وواحد سلبي، ونشوف أي تريند اللي هينتشر وأراهنكم دلوقتي أن السلبي هينتشر».
وتحدث أحمد آدم عن تامر حسني بشكل إيجابي قائلاً:«تامر حسني أول ما طلع قلنا يومين وهيخلص لكن هو بيعمل يعظمة، بيقدم أغاني مكسرة الدنيا، وأفلامه مكسرة الدنيا وبيعرف يفكر ويطور من نفسه، وبيخرج ويمثل ويكتب سيناريو، وبيفكرني بأنور وجدي».
وتابع:«تامر حسني عدا خلاص أنور وجدي لأنه في الاساس مطرب ويعتبر أحسن مطرب في مصر وبيعمل رومانسي وكام سنة هيطلع لنا تامر حسني، ووجهة مشرفة لنا وأنا بحب تامر حسني».
والتريند السلبي كالاتي
وقدم أحمد آدم نموذج للتريند السلبي من خلال حديثه السلبي عن تامر حيث تحدث قائلاً:«تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبّل للبنات».
وأردف:«وبيقدم شوية أغاني تعبانة ويعني إيه أكتر حاجة بحبها فيكي، طيبة قلبك، إسفاف، وأفلامه وحشة جداً، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدا».
ويذكر ان كشف الفنان تامر حسني عن رأيه في استعراض الفنان أحمد آدم لظاهرة التريند في برنامجه بني آدم شو من خلاله كمثال حيث أكد أن آدم يقدم نموذج للتريند الذي جنن عقول بعض الناس في العصر الحالي.
وكتب عبر حسابه الشخصي على الفيسبوك منشورًا نصه: «أستاذ احمد آدم فعلًا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وامانتهم لمجرد أن الناس تعرفهم أو تتكلم عليهم ولو ليوم واحد ونسيوا انه لا يصح إلا الصحيح عشان ده عدل ربنا».
وتابع: «وأي افاقين مع الوقت هتلاقيهم بيختفوا والمحترم الحقيقي هو اللي بيستمر اصل لما نهتم ونرد على كل كداب امال اللي بيحبونا نعمل معاهم ايه !!!!؟».
وأردف: «تابعوا قلوب الناس والمواقع اللي هتاخد كلام احمد آدم السلبي وينشروه وعلموا عليهم عشان تعرفوا حقيقتهم والحقيقة أن فعلًا الكلام السلبي هو اللي انتشر، شكرًا استاذ احمد آدم لكلامك واشادتك الحقيقية في حقي هي شهادة عظيمة من فنان محترم وكبير بفنه واخلاقه».
