حكاية حلوة .. بقلم / حمادة العسكري 

حلوه لحد كده بينا
إنهي بس سنه سنه
مستعجل أوي ع النهايه
شكل الحكايه فيها إنه

حلوه لحد كده خالص
حق جرحي إعتبره خالص
وعد مني أغلي صورتك
لو تيجي سيرتك ف مجالس

حكايه حلوه و خفيفه
قلبت من حلوه لسخيفه
فراق ونهايه مش لطيفه
ختام مشاعر جميله

فرقه صعبه وعزيزه
قربك مش غايه دا غريزه
ليه الأوقات اللذيذه
تملي تكون مش طويله

كنت سيب جرحي خامد
إنت كده يعني جامد
منك جرحي جاي صدفه
ولا فيه سر غامض

حبي كان من قلبي نابع
قايد شمعه ف كل صابع
يعز عليا م النهارده
مش هسأل عنك و أتابع

حكايه حلوه و خفيفه
قلبت من حلوه لسخيفه
فراق ونهايه مش لطيفه
ختام مشاعر جميله

فرقه صعبه وعزيزه
قربك مش غايه دا غريزه
ليه الأوقات اللذيذه
تملي تكون مش طويلة