حلمي عبد الباقي: أنا بدعم محمد فؤاد لانه معروف انه محترم ومهذب

دعم الفنان حلمي عبد الباقي الفنان محمد فؤاد في أزمته الأخيرة من خلال صفحته الرسمية على موقع التواصل الاجتماعي الفيسبوك قائلا:

“قبل اي شئ وقبل اي كلام انا كمواطن مصري إكن كل التقدير والاحترام لاي انسان قد كرمه الله وجعله في خدمه ومساعده البشر واولهم الاطباء وكل مسؤل في هذا المجال الانساني وهنا اتوقف لحظه واطرح سؤال ما الذي يجعل محمد فؤاد وهو معروف عنه انه انسان محترم ومهذب ان يثور هذه الثوره هل عقله قد ذهب علشان يعمل كده اكيد لأ يبقي فيه عامل خارجي كبير جعله يخرج عن شعوره وهو خوفه علي اخوه وعدم مبالاه الطبيب بالحاله والتحدث معه بشكل مستفز واي حد في مكانه اكيد مش هيقدر يتحمل هذا الاستفزاز وقد راينا جميعا الفيديو اللي فيه لحظه دخول محمد فؤاد وعدم اعاره الدكتور اي اهتمام حتي لم ينظر اليه هل لكونه فنان والطبيب عاوز يترسم عليه ولكن المفروض ان مفيش مجال لكده وكلنا برده شفنا الدكتور وهو بيخطف التليفون من ايد محمد بشكل هستيري وبعد كل هذه الاستفزازات وشعور محمد ان اخوه ممكن في اي لحظه تأخير ممكن لا قدر الله ينتهي عمره المفروض محمد فؤاد يكون عنده ثبات انفعالي علي اساس انه مش بني ادم عادي ده كلام بالذمه ده كلام فيه لحظات بتمر علي الانسان بينسي انه فنان ولا غيره وهي لحظه خوفه علي حبايبه مفيش ساعتها مسميات هو في الاخر انسان وعلي فكره انا مش بتكلم علشان محمد فؤاد صديق عزيز ولكن والله والله بقول كلمه حق واي حد في مكانه حتي ولو لا يمت لي بصله هقول نفس الكلام انا بدعم محمد فؤاد وان شاء الله الموضوع يمر علي خير لاننا كلنا كمصريين اكيد نحترم ونبجل كل اطبائنا ونحترم كل صغير وكبير في تلك المهنه الانسانيه واسف علي الاطاله”