حمادة العسكري يكتب: وسط الطريق كل واحد في إتجاه
حمادة العسكري يكتب … وسط الطريق كل واحد في إتجاه
مع حد تاني مكملين ماشية الحياة
قالوا زمان اللي فات قديمه تاه
مش أي حد يقول بحب تصدقه
ولا كل حلم بتحلمه هتحققه
ولا كل حد تحبه هتكمل معاه
إمتى وقفت الحياة على حد فارق
عادي يعني مش حزين وف دمعي غارق
بالعكس مرتاح من قساوته وظلمه فيا
أنا حسبي ربي في جرحه ليا وف أذاه
كتبت إسمه في صفحة دايبة في ذكرياتي
بقى حبك نقطة سودة في سجلات حياتي
وإن كنت فترة شوفته زي ملاك في عيني
دي طيبة منى وغباء واصل منتهاه
وسط الطريق ناس تكمل وناس تتوه
بعد الفراق لما تتقابل الوجوه
تهرب عينيهم اللي فيهم بدلوه
في حاجات تبان بعد الأوان وتقول ياريت
زرعت ورد وف النهاية في شوك جنيت
كاس وداير بكرة جرحك يجربوه
إمتى وقفت الحياة على حد فارق
عادي يعني مش حزين وف دمعي غارق
بالعكس مرتاح من قساوته وظلمه فيا
أنا حسبي ربي في جرحه ليا وف أذاه
كتبت إسمه في صفحة دايبة في ذكرياتي
بقى حبة نقطة سودة في سجلات حياتي
وإن كنت فترة شوفته زي ملاك في عيني
دي طيبة منى وغباء واصل منتهاه
