حمادة هلال: نجاحي مع عصام إسماعيل نابع من صداقة عمر.. مش مجرد شغل
أعرب الفنان حمادة هلال عن اعتزازه الكبير بعلاقته القوية مع الملحن والمطرب عصام إسماعيل، مؤكدًا أن النجاحات التي جمعتهما لم تكن نتيجة تعاون فني فقط، بل ثمرة صداقة حقيقية وعِشرة طويلة.
وخلال مداخلة هاتفية في برنامج “الستات ما يعرفوش يكدبوا” على قناة CBC، قال هلال: “النجاح اللي حصل بيني وبين عصام مش مجرد شغل، دي عشرة ومحبة وضحك وسهرات.. الأغاني اللي عملناها مع بعض زي (كل ما أفكر فيك) و(الحب حلو) اتولدت في وسط جو فيه حب حقيقي وذكريات”.
وأضاف: “عصام مش بس ملحن موهوب، ده كمان مطرب جامد جدًا، لكنه اختار يركز على التلحين، وكل يوم بيثبت إنه موهوب ومميز”.
وتحدث حمادة عن بعض المواقف الطريفة التي جمعتهما في بدايات مشوارهما، قائلًا: “كنت بعمل فيه مقالب كتير جدًا، وكان بيصدقها! ولو قلت له جملة لحن من سنين، يفضل فاكرها.. دماغه كمبيوتر”.
وقبل نهاية المكالمة، استجاب حمادة هلال لطلب جمهوره، وغنى جزءًا من أغنيته “والله يا حب عمري وحياتي” بصوته المباشر، ما أضفى حالة من البهجة والحنين على أجواء الحلقة.
واختتم حديثه قائلًا: “بحب عصام جدًا وبفرح بكل نجاح يحققه، وإن شاء الله أول ما أرجع من السفر أكون معاكم في الاستوديو وأغني لايف تاني”.
