حوارات يوماتي .. بقلم الشاعر: سامح فؤاد
حورات يوماتى بتحصل
و العمل ايه؟!
ناس تشرق و ناس تغرب
وناس تاسا و ناس تقولك
فى ايه؟!
مواقف وافلام كتيرة
توقعك فى أكبر حيرة
تتوهك جوا عيونك البريئة
تجيبلك تخمة و شيناطة
و اسئلة و افكار كتيرة
يا تلخبطك يا توقعك فى تفليسة
هو ده الحال اللى يركز مع الناس
فلان عمل
فلُان سوا
فلان مش
فلْان جاب
فلان زعل
فلّان و فلان و فلانة
أسماء بتعدى علينا ياما
لا الاسماء خلصت ولا احنا
قولنا كفاية
تاهين أو مشغلوين عن نفسنا
و الحق فينا
لا عارفين نحب نفسنا
ولا اللى يوسينا
نقول كلمة بحب و الحب
نقول مش لينا
ماترسى على بر يا اخينا
و اهدى و هدى الرتم
مايكفى حال الدنيا اللى
عمال يدب بينا
هى ناقصة
هىِ خالصة
هى راحت فين؟!
ضحكتك
ابتسامتك
بهجتك
فرحة عينك؟!؟!
أهدى كدا بالله
و سمى وابداء يومك
و لما تلاقيك امسك فيك
وَ خدى و ادى مع نفسك
وبلاش تاسى على نفسك
عندها اللى يكفيها
خليك بس حنين عليها.
دى نفسك هى اللى بقيالك
اعتبرها ام عيالك.
مش ام جلامبوا
ولا حتى حماتك
لمواخذة يا حماته
