خالد محمود: فريد شوقي بعت لي أربعة يقبضوا عليا
إعداد وحوار / دعاء نصر
الفنان خالد محمود، من أهم الأعمال التي شارك فيها، مسلسل”رياح الشرق”. و”السقوط في بئر سبع” و”ملك روحي” و”نعتذر عن هذا الحلم” و”بطة وأخواتها”. و”زهرة في الأرض البور”. كما شارك في عدد من الأعمال السينمائية أبرزها “إحنا أصحاب المطار”. و”عاوزين لعب”. و”شباب تيك أواى” و”سلام مربع للستات ” و”علي سبايسي”..
الجزء الأول من حوار الفنان خالد محمود ..
من عشق التمثيل منذ الطفولة على المسرح، إلى الحصول على شهادة البكالوريوس من المعهد العالي للفنون المسرحية.. فلماذا تعلمت الطيران؟
اولا انا كنت عاشق للاثنين للتمثيل كانت الهواية عندي من صغري. وأنا في المرحلة الإبتدائية كنت بشارك في كل المسرحيات المدرسية. وفضل الحلم عندي ان أنا هكون ممثل. وكان بيوازي الحلم ده حلم الطيران، عاوز برضه أكون طيار، فاللي حصل بعد ما خلصت الثانوية قدمت في معهد العالي للفنون المسرحية، لان كنت خايف تضيع مني السنة. وأما أروح أقدم في معهد الطيران مقبلش لأي سبب طبي ممكن مقبلش بسبب الكشف الطبي.
قولت أضمن الأول حاجة بحبها والتانية بحبها هشوف بعد ما أتعلم الأتنين أفضل مابينهم اذا قدرت أفضل لكن عشقي ليهم واحد فقدمت في معهد العالي للفنون المسرحية. والحمد لله قبلت فيه. وأنا بتعلم معهد العالي للفنون المسرحية. خلصته. وأنا شغال في التمثيل حلم الطيران مش عاوز يروح من دماغي ف اول ماعرفت في اكتوبر ان فتحوا فيه تعليم الطيران جيت وقدمت بسرعة. وعملت الكشف الطبي. والحمدلله نجحت فيه حاولت أوزان مابين الاتنين، التمثيل عاوز تفرغ كامل والطيران عاوز تفرغ كامل.
فيلم “شاويش نص الليل” الذي برعت في أداءه كان نقطة تحول وسبب كبير لمعرفة الجمهور بك .. حدثنا عن كواليس هذا الفيلم ووقوفك لأول مرة أمام وحش الشاشة فريد شوقي ؟
فيلم شاويش نص الليل طبعا أنا كنت قبل شاويش نص الليل عملت مسلسل كان اسمه مذكرات زوج مع الراحل محمود ياسين الفنان العظيم كنت وقتها طالب في معهد العالي للفنون المسرحية في سنة تانية. وطلبوا ان. وجوه جديدة كانت مترشحة للأستاذ محمود ياسين. والأستاذ حسن بشير علشان مسلسل مذكرات زوج دور الولد اللي هيعمل ابن الفنان محمود ياسين اترشحت الأستاذ محمود ياسين اول ماشافني. وعرف ان في المعهد بدرس قالي بتفكرني بابنه عمرو وخدني واحتواني واحتضنني
فاتحة الخير عليا
و كما قال الأستاذ حسن بشير خالد اللي هيعمل دور ابني في المسلسل. وكانت فاتحة الخير عليا والحمد لله خلصت المسلسل مكنتش متخيل ان في حد هيطلب مني. وكده وهلاقي معجابين لسه انا مش مستوعب الموضوع فجأة لقيت تليفون جالي قالولي أحنا مكتب الأستاذ فريد شوقي. والأستاذ فريد شوقي عاوزك في دور مهم جدا، دور بطولة في فيلم اسمه “شاويش نص الليل”، فأنا قولت حد يمكن بيهزر كان زمان لسه مفيش موبايلات، قولت لـ بابايا الله يرحمه قولتله في ناس مكلمني من مكتب الأستاذ فريد شوقي. وأنا حاسس ان حد بيهزر ماتيجي معايا نونس بعض كده علشان لو طلع مقلب نمشي نداري في بعض. واحنا ماشيين، بابا قالي طيب يلا تعالى، روحنا قالي أنا هنتظرك تحت واطلع انت شوف الموضوع إيه طلعت لقيت الموضوع فعلا بجد .ومبقتش مصدق فقبلت الأستاذ فريد شوقي فأنا كل إللي بفكر فيه أنا ازاي هقابل وحش الشاشة ملك التك شو هذا العملاق الكبير.
ذكاء الأستاذ فريد شوقي
و كما أكتشفت ذكاء الأستاذ فريد شوقي، رحمة الله عليه ان هو بقيمته الكبيرة وعارف ان هو لسه هيقابل وجه جديد صعب ان هو يستوعب ان هو ادام العملاق الكبير ده فهو ذكائه ان هو بينزل ذكائه لمستوي ذكائك يعني بيتعامل معاك بكل حب وتلقائيه. ويحببك فيه بسرعة هو كان حبوب أساسا بس اللقاء الأول أنا مقدرش انساه، الحمدلله تم علي خير وقالي أنا شوفتك في المسلسل بتاع الأستاذ محمود ياسين. وعجبتني وهتعمل دور هنا ملاكم انا برضه كنت في المسلسل بعمل دور ملاكم بس قالي بشكل تاني لان انت هتتحول الي مدمن و.. و.. وفي الاخر النهاية المحتومة إللي هتحصل في الفيلم مبقتش مصدق نفسي بصراحة، بعد ما نزلت قعدت أسبوع أتنين لقيت مفيش حد بعتلي.
الأستاذ فريد شوقي
و لما كنت رايح كان في ممثليين الجيل إللي قبل مني موجودين، قولت معقولة الأستاذ فريد شوقي هيسيب الناس المعروفة. وهيختارني عملية مش منطقية فلما قعدت أسبوعين ومحدش بعتلي ولا سأل فيا قولت يبقى خلاص هو اختار حد من الناس اللي موجودة إللي هما معروفين في الفترة دي وأنا مليش نصيب بقي في الموضوع ده. وأنا في المعهد لقيته بعتلي أربعة تعالى بسرعة دلوقت إللي هما عاملين قبض عليه بيقبضوا عليه الملك عاوزك ضروري راحوا. وخدني وطلعنا، بس أنا كان جوايا سؤال عاوز اسأله بس خايف يضيع منى الفيلم،
فقررت ان أنا مش هسأله دلوقتي روحت وقعدت واتفقت. ومضيت العقد وخدت السيناريو بتاع الفيلم. وأنا في قمة سعادتي وجه الأستاذ فريد شوقي الله يرحمه قالي خلي بالك انت دورك أكبر من دوري هتشرفني. ولا لا قولتله متقلقش ياملك خلصنا الفيلم. و الحمد لله وكان في تعب كتير جدا ومجهود كبير لحد ماخلصنا الفيلم. واحنا بنتفرج عليه في العرض الخاص ثم نزوله السينمات بعد كده لقيت نفسي مرشح لجائزة أحسن ممثل. وأنا بعد ما استلم الجائزة قلت للأستاذ فريد شوقي.
اختيار الفنان فريد شوقي لـ خالد محمود
كده شرفتك ولا لا، راح وخدني بالحضن وباسني الله يرحمه، قولتله انا في سؤال عاوز أسالهولك ليه حضرتك بما ان كان في الشباب إللي هما في الفترة دي موجودين ومترشحين، حضرتك سبتهم واختارتني، قالي لان لما قعدت اتمعن في الموضوع مينفعش. واحد معروف يعمل الدور انا كان يهمني ان يكون بيدرس تمثيل ومتمكن من ادواته. وبعدين شوفتك في سابقة أعمال ليك فكنت لسه في البداية فانا عاوز الجمهور لما يشوفوا الولد ده يتعاطفوا معاه ميقولوش ان ده بقي ممثل. ومعروف فممكن ميحصلش التعاطف معاه فكان سبب اختياري ليك هي النقطة دي بس ده بالاضافة انك عجبتني في مسلسل مذكرات زوج فحسيت ان عندك مقومات وممثل كويس جدا. وكنت لسه مش معروف اوي يعني.
يعني مسلسل متقدرش تقول ان كل الناس اتفرجت عليه لكن من خلال المسلسل. و ان قناعة الأستاذ فريد شوقي. ووجهة نظره صحيحة ان مايخدش حد معروف التعاطف معاه هيكون معاه احسن وده اللي حصل بالفعل. والحمد لله تم علي خير.
ما هي اخر أعمال النجم خالد محمود ؟
أخر أعمالي دلوقتي أنا بصور مسلسل مع الفنانة غادة عبد الرازق “لحم غزال” إخراج الأستاذ محمد اسامة. وده من المسلسلات المهمة جدا إللي أنا شايف هيكون له رد فعل مع الجمهور كويس أحنا بنصور دلوقت في لبنان عاوزين دعواتك لينا، بجهز مسرحية للاطفال لان أنا حبيت الشغل مع الأطفال جدا عملت كام مسرحية اول مرة كنت بعمل مسرحية عادية اكتشفت أن عالم الأطفال ده عالم جميل جدا
و ببعتلي لازم أي فنان يعمل أعمال للأطفال انا مكتفتش ان انا بعمل اعمال للاطفال بس أنا بخوض في التفاصيل مع الأطفال فبعمل عمل جميل جدا في عالم ديزني هتبقي تيجي تتفرجي عليه ان شاءالله أحنا بنجهز فيه دلوقت. وشغالين فيه. وفي البروفات في نفس الوقت بعمل مسرحية لمسرح السلام مسرح الدولة اسمها هاملت بالمقلوب مسرحية مهمة جدا لسبب لان هي بتحكي إللي بيحصل في العالم كله إسقاط على العالم كله. وعلى حاجات كتير بتحصل. وازاي بتترجم وتدخل إلى عقول الناس علشان يوصلوا للي. واصل بيه العالم وللشرق الأوسط تحديدا فهي أنا شايف أنها من المسرحيات المهمة جدا، المسرحية تأليف الدكتور سامح مهران هو اللي عملها. إخراج الأستاذ مازن الغرباوي مع الفنانين الجمال عمرو القاضي ولقاء سويدان. وربنا يقدرنا كده. ويطلع العمل للنور وجميل. والدكتور أيمن الشوي برضه معانا في المسرحية فاربنا يقدرنا ان شاء الله. ونخرج بالعمل ده للنور بالشكل المشرف. واللي يليق بمسرح الدولة.
