خالد محمود والدته صينية ووالده صعيدي.. الجزء الثاني مع عالم النجوم
إعداد وحوار / دعاء نصر
من أهم الأعمال التي شارك فيها الفنان المتميز خالد محمود “رياح الشرق” و”السقوط في بئر سبع” و”ملك روحي”. و”نعتذر عن هذا الحلم” و”بطة وأخواتها” و”زهرة في الأرض البور”. كما شارك في عدد من الأعمال السينمائية أبرزها “إحنا أصحاب المطار” و”عاوزين لعب”. و”شباب تيك أواى” و”سلام مربع للستات ” و”علي سبايسي”.
والدتك صينية الأصل ووالدك من أصل صعيدي وجدك من أصل تركي.. أخذت من والدتك الملامح الصينية .. ماذا عن والدك وجدك ماذا أخدت منهم ؟
اقولك الاول الموضوع بس علشان ميبقاش فيه لخبطة، هو أنا جدي كان من مسلمين الصين جدي الأمي الذي هو أبو أمي كان جاي يدرس في الأزهر. وحصل على العالمية. وهو يدرس في الأزهر تعرف على سيتي كانو ناس تركوا قاعدين في مصر حصل لينك التعارف بينهم اتجوزو. وخلفو وهو كانت شغلته داعية إسلامي ينشر دين الإسلام في شرق آسيا وأسلم على يده ملايين الحمد لله اعداد رهيبه هوريلك المجلات اللي هي بتاعت جدي الله يرحمه
فلما اتجوز ستي خد مكانة مصر. وخلف اولاده كانو 10 3 بنات. و 7 صبيان اللي هما سبع خيلان واثين خالاتي وامي يبقوا العشرة
ابويا الله يرحمه كان عايش في مصر شاف امي عجبته اتجوزوا خلفونا دا الموضوع ببساطة شديدة جدا.
وماذا تعلمت من والدك رحمة الله عليه ؟
اتعلمت ايه من ابويا الله يرحمه، اتعلمت منه الرجولة اتعلمت الصدق اني معرفش اكدب لحد دلوقتي اتعلمت الامانة ابويا الله يرحمه غرس جوايا عادات. وتقاليد الرجل الصعيدي الصرف انا علاقتي بالآخرين يقولولي انت صعيدي وتفكيرك صعيدي معنديش لوع معنديش ابقي صايع مينفعش واحد + واحد يساوي اثنين
انا الحمد لله ابويا الله يرحمه ربي جوايا ان ضميري يبقى صاحي لما اتفق معاكي علي حاجة مش لازم اكتب عقد خلاص كلمتي بقيت موثقة معاكي. وكلمة شرف بس دا اللي اتعلمته من ابويا الله يرحمه
الحمد لله علمني حاجات كتير طيبة هية اللي عايش بيها لحد دلوقتي. وربنا يثبتنا عليها الي ان ينتهي العمر
وماذا تعلمت من جدك رحمة الله عليه ؟
جدي الله يرحمه الصيني بقي مكنتش بشوفه كتير بس كان علاقتي بيه المشهد المطبوع في الذاكرة عندي لحد دلوقتي. ويمكن ده اللى بقيت بنفذه مع اولادي انه كان دائما لما نروحلهم زيارة عنده هو وستي الاقيه مجمع. أولاده كلهم السبعة بالبنات وهو الإمام وهما بيصلو علاقتي بيه صلاة وقرآن بس
كنا نقعد نتكلم هو كان بيتكلم صيني مكسر لما يقعد يكلمني اه اه اه
انتي كل شويه قولي اه اه وانتي مش فاهم حاجة خالص اقف صلي يالا بس دي علاقتي بجدي
بس اتعلمت منه الترابط الأسري وازاي اقوم اولادي من صغرهم. والحمد لله لحد وقتنا هذا ابقي انا دائما الإمام بأولاد بشوف نفس الصورة اللي كانت مع جدي الله يرحمه
ف الناس دي ربت جوانا عادات وتقاليد وقيم وحاجات وهي اللي عايشين بيها لحد دلوقتي ودا جدي الصيني علي فكره.
أمتلكت مطعم لطهي البرجر ما السبب وراء فكرة هذا المطعم وهل نجحت ؟
مطعم البرجر حصل لعدة أسباب اولها لان أنا بحب المطبخ جدا من صغري كنت مقرر أني أتعلم الطبخ، ليه بقي قررت؟
كنت واقف مع مامتي الله يرحمها وهي بتطبخ كنت وأنا واقف معاها كنت صغير كنت في إعدادي وهي بتتكلم انا سرحت، ازاي بتحط حاجات علي بعضها تطلع بامية، ازاي بطعم ازاي الملوخية بتطلع ملوخية ازاي الفاصوليا بتطلع بالطعم دا مع إن دي بدمعة ودي بدمعة، فالموضوع دا شاغلنى جدا وعايز أعرف الأسرار بتاعته ف ابتديت وقولتلها أنا عاوز أتعلم أنتي بتعملي الحاجات دي إزاي، قالتلي هعلمك واحدة واحدة. وهى مش في دماغها. وابتديت واحدة واحدة نتعلم الطبخ سنة سنة كدا. وأنا أجي أعمل مثلا فطار أقدمه بشكل زي بتاع الفنادق، بعمل حالات إبداعية في الطبخ رسخ وبقي جوايا موضوع بحبه جدا وبعشقه جدا أما كبرت اخواتي كانو دايما يقولولي هتاكلوا إيه النهاردة، خلاص بقي فيه ثقة. وكل الحاجات وكل مرة بجودة الحاجات في الطبخ أكثر بعرف ايه السلبيات والتغاضي عنها، الحمد لله قعدت أطور نفسي شوية شوية كدا والموضوع جوايا. وأنا مش في دماغي حاجة
وقت وقوع الثورة!
لحد ما حصلت الثورة وقعدنا من الشغل 3 سنين، قولنا الموضوع بقي في خطر لأن شركات الإنتاج ماكنتش تنتج وبعد ال3 سنين. وبدا يطلع أول مسلسل قولت لازم اعمل مشروع علشان إيه معرفش الظروف التمثيل رايحة فين، فكان أنسب مشروع بالنسبة لي مشروع الاكل
فقررت أخد محل طيب هعمل في الأكل لقيت أني أفتح مطعم وجبات سريعة زي البرجر. وكنت أنا إللي عامل التوابل بتاعتى الخلطة بتاعته
حتى الشيفات اللي كانوا بيجوا يشتغلوا كنت أنا بعلمهم إزاي يعملوا البرجر دا بالنسبالي أنا بحطه لكم من التوابل. والفراخ والحاجات وكل الأكل، إللي كان موجود انا اللي كنت بحط التتبيلات بتاعته، بس السبب كان حظي وحش اننا كنا 30 مطعم وكافية في منطقة الشيخ زايد.
الجهاز قال ان المحلات دي أن صاحب المول ضحك علينا. وكان قايلنا ان المحلات دي ان الرخصة بتاعتها هتطلع ف للأسف ماقدرش يطلع الرخصة في المكان دا كان غير مرخص انه يبقي مطاعم فالجهاز هد المطاعم كلها ومشينا بعدها بعد فترة كدا.
